منځپانګې ته تلل
دوشنبه ۱۶ نومبر ۲۰۲۶ · کابل ۳:۲۲ غ.م
۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

په فراه کې ۲۲ امنیتي سرتېري وژل شوي

· ۱ دقیقه لوستل · ۷۹ کتنې

فراه (پژواک، ۲۶وږی ۹۷): د فراه د ولایتي شورا یو غړی وايي چې د دغه ولایت په بالابلوک، پشترود، پشتکوه او مرکز کې پر امنیتي پوستو د وسله والو مخالفینو په بریدونو کې ۲۲ امنیتي سرتېري وژل شوي دي.

د فراه د ولایتي شورا غړي دادالله قانع د دغه معلوماتو تر څنګ وویل، طالبانو تېره شپه د دغه ولایت په یادو سیمو کې د پولیسو او ملي اردو پر امنيتي پوستو بریدونه کړي، ۲۲ امنیتي سرتېري یې وژلي او اووه پولیس یې ژوندي نیولي دي.

نوموړي د دغه ولایت امنیتي وضعیت د اندېښنې وړ وباله او له حکومته یې دغه ولایت ته د ډېرو امنیتي ځواکونو د لېږلو او د وسله والو مخالفینو پر ضد د پراخو عملیاتو ترسره کېدو غوښتنه وکړه.

پژواک هڅه وکړه چې په دې اړه د فراه ولایت د چارواکو نظر واخلي خو بریالی نه شو.

طالبان ادعا کوي چې د دوی د تېرې شپې په بریدونو کې ۲۹ امنیتي ځواکونه وژل شوي او یو شمېر نور یې ژوندي نیولي خو طالبانو ته زیان نه دی اوښتی.

د راپورونو له مخې درې ورځې مخکې هم په دې ولایت کې د طالبانو په برید کې ۱۷ امنیتي ځواکونه او شپږ طابلانو وژل شوي و.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه