پل علم (پژواک، ٢٣ وږى ٩٨): د لوګر په محمداغې ولسوالۍ کې د ١٤ ميليونه افغانيو په لګښت د يوه ښوونځي جوړېدو چارې پاى ته ورسېدې او ګټې اخيستنې ته وسپارل شو.
د لوګر د پوهنې رييس عبدالوکيل کليوال د اړوندې موضوع په اړه جوړو شوو مراسمو ته وويل چې د محمداغې ولسوالۍ د شهيد محمد سليم لعل ستانکزي ښوونځي لپاره د څه باندې ١٤ ميليونه افغانيو په لګښت ودانۍ جوړه شوه.
د نوموړي د معلوماتو له مخې، دغه ښوونځى اته درسي خونې، څلور اداري خونې، لابراتوار، کتابتون، مېز، چوکۍ او نور ملحقات لري.
د هغه په وينا، د دغه ښوونځي د ودانۍ جوړولو مالي لګښت له ولايتي بودجي ورکړل شوى چې چارې يې د يوه کال په موده کې بشپړې شوې دي.
ده زياته کړه: ((دغه ښوونځى د ٤٨٠ کسانو لپاره جوړ شوى خو اوس په کې ٣٤٣ زده کوونکي زده کړې کوي.))
په ورته وخت کې د دغه ښوونځي د شپږم ټولګي زده کوونکي زاهدالله پژواک ته وويل چې له دې وړاندې دوى په خېمه کې زده کړې کولې.
دى وايي: ((مکتب و، خو صنفونه نه وو، خېمه کې مو درس وایه، د باران او باد په ورځو کې به مکتب رخصت و.))
د لوګر د پوهنې رياست د معلوماتو له مخې، په محمد اغې ولسوالۍ ټولټال ٦٤ ښوونځي دي چې د روان کال په اوږدو کې به يې ٣٩ ته ودانۍ جوړې شي.
د يادونې ده، د شهيد محمد سليم لعل ستانکزي ښوونځى په ١٣٨٨ کال تاسيس شوى خو تر اوسه يې ودانۍ نه درلوده.
غړيYou need to subscribe to view the full article. Please login or register a new account.
