کابل (پژواک، ٢ لړم ٩٨): ملي دفاع وزارت وايي، امنيتي ځواکونو د خپلو پرمختګونو په دوام تېره شپه د بغلان ولایت دهنه غوري ولسوالي چې له درې کلونو ډېره د طالبانو تر کنټرول لاندې وه بېرته نيولې ده.
د یاد وزارت له خوا په یوه خپره شوې خبرپاڼه کې راغلي چې اوس د هېواد درې رنګه بیرغ د دهنه غوري ولسوالۍ پر ودانۍ لګول شوی دی.
سرچینې زیاته کړې، په بغلان ولایت کې د ملي دفاعي او امنیتي سرتېرو په عملیاتو کې طالبانو ته درنه مرګ ژوبله اوښتې ده.
ملي دفاع وزارت ویلي چې طالبان له افغان امنیتي سرتېرو سره د مخامخ کېدو توان او انګېزه له لاسه ورکړې او د هرې ورځې په تېرېدو تر خپل کنټرول لاندې سیمې له لاسه ورکوي او خلک يې له ظلمه خلاصېږي.
په خبرپاڼه کې راغلي، د افغان سرتېرو په عملیاتو کې چې یوه اوونۍ مخکې په بغلان کې پیل شوي او د طالبانو له موجودیته به ددغه ولایت تر پاکولو دوام وکړي او دولتي سرتېري د پرمختګ په حال کې دي. په راتلونکو ورځو کې به پاتې سیمې هم له طالبانو پاکې شي.
طالبانو تر اوسه په دې اړه څه نه دي ویلي.
غړيYou need to subscribe to view the full article. Please login or register a new account.
