کابل (پژواک، د لېندۍ لومړۍ نېټه ٩٩): د کابینې د پرېکړې له مخې، د کرونا ویروس د دویمې څپې د خپرېدو د احتمال له امله د لوړو زده کړو ټولې دولتي او خصوصي موسسې د روان کال د لېندۍ میاشتې له لومړۍ نېټې څخه د کب تر ۱۵مې پورې رخصت دي او پاتې درسونه به یې انلاین دوام ولري.
لوړو زده کړو وزارت په هغې خبرپاڼه کې چې د یاد وزارت پر فېسبوک پاڼه خپره شوې، ویلي، د لېسانس، ماسټرۍ او دوکتورا زده کړو ټول محصلین د روان کال د لېندۍ میاشتې له اتمې نېټې څخه د کب تر ۱۵مې رخصت دي.
سرچینې لیکلي چې یاده پرېکړه د کرونا ویروس د دویمې څپې د احتمال له امله د افغانستان کابینې کړې ده.
د خبرپاڼې په دوام کې راغلي چې د لوړو زده کړو ټولې دولتي او خصوصي موسسې مکلفې دي چې د دغه سمستر پاتې درسونه په انلاین بڼه محصلینو ته ورسوي.
د لوړو زده کړو وزارت ویلي چې د دغه سمستر د ازموینې او انلاین درسونو د پیل په اړه به محصلینو ته خبر ورکړل شي.
Visits: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن