په کابل ښار کې ماین چاودنه شوې خو مرګ ژوبله نه لري

کابل (پژواک، ۹ مرغومی ۹۹): د کابل ښار د پنځمې امنیتي حوزې اړوند سیمه کې ماین چاودنه شوې، مرګ ژوبله نه لري، خو د مالي زیانونو احتمال موجود دی.

د کابل امنیې قوماندانۍ مطبوعاتي دفتر وايي، دغه پېښه نن سهار اته بجې او لس دقیقې د پنځمې امنیتي حوزې اړوند د ابرسانۍ سیمه کې رامنځته شوه.

سرچینې زیاته کړې چې په دې اړه پلټنې پیل شوې دي.

د یادونې ده، په دې وروستیو کې په ټول هېواد په ځانګړې توګه پلازمېنه کابل کې ځانمرګي بریدونه او د چسپکي ماینونو په وسیله د دولتي کسانو موټرو په نښه کول زیات شوي دي.

د دولتي موټرو د په نښه کولو سربېره د خبریالانو او مدني فعالینو د ترور پېښې هم زیاتې شوې خو د یادو پېښو مسوولیت تر اوسه کومې ډلې نه دی منلی.

Views: 0