د کابل ښار په يوه چاودنه کې د جمعيت اصلاح مشر وژل شوى

کابل (پژواک، ١٤ سلواغه ٩٩) : د کابل ښار د څلورمې حوزې په چاودنه کې د جمعيت اصلاح مشر دوکتور محمد عاطف وژل شوى دى.

دغه چاودنه نن د سلواغې په ١٤مه د څلورمې حوزې اړونده د سليم کاروان له بلاکونو سره پر عمومي سړک شوې ده.

د کابل د پوليسو وياند فردوس فرامز پژواک خبري اژانس ته وويل چې په دغې چاودنه کې دوه کسان وژل شوي او دوه نور ټپيان شوي دي.

خو نوموړي د يوبل وژل شوي کس په اړه معلومات په ډاګه نه کړل.

بلخوا د جمعيت اصلاح افغانستان ټولنې يوې سرچينې پژواک اژانس ته تاييد کړه چې د سليم کاروان په چاودنه کې ددغې ټولنې د مرکزي شورا مشر دوکتور محمد عاطف وژل شوى دى.

د يادونې ده چې په دې وروستيو کې په کابل ښار کې د هدفي وژنو او چسپکي ماينونو چاودنې ډېرې شوې دي چې په کې مدني فعالان، ژورنالېستان، دولتي مامورين او سياسي فعالان په نښه شوي دي.

غړي

You need to subscribe to view the full article. Please login or register a new account.