ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د لوګر زندان د ټولي قوماندان وژل شوى

author avatar
19 May 2021 - 14:44
author avatar
19 May 2021 - 14:44

پل علم (پژواک، ٢٩ غويى ١٤٠٠): د لوګر امنيتي مسوولين وايي چې وسله والو طالبانو د دغه ولايت د زندان د ټولي قوماندان په مرکز پل علم کې وژلى دى.

د لوګر د امنيې قوماندانۍ وياندګل حيدر د غويي په ٢٩مه پژواک خبري اژانس ته وويل چې وسله والو طالبانو تېره شپه د مرکز پل علم اړوند د لومړۍ حوزې په مربوطاتو کې د زندان د ټولي پر قوماندان مير حمزه ډزې کړې دي.

هغه وايي: ((د قصابيو مخ ته يې په ميرحمزه ډزې کړي او هغه ځاى پر ځاى وژل شوى دى.))

دغه راز د پېښې يو تن عيني شاهد احمدالله پژواک ته وويل چې تېر ماښام په پل علم ښار کې وسله والو يو پوځي کس وژلى دى.

دى زياتوي: ((وسله والو مخونه پټ کړي وو پر يو پوليس چې په دوکان کې يې سودا اخيسته ډزې وکړې او مړ کړى یې دى.))

بل لورته وسله والو طالبانو تر اوسه په دې اړه څه نه دي ويلي.

دغه راز د يو بل خبر له مخې، د هلمند مرکز لښکرګاه د درېيمې حوزې په مربوطاتو کې پر يوه کور د هاوان مرمۍ لګېدلې ده.

يوې امنيتي سرچينې پژواک ته وويل چې په دې پېښه کې يوه ښځه وژل شوې او يوه بله ټپي شوې ده.

د يادونې ده چې په دې وروستيو کې په ټول هېواد کې د هدفي وژنو پېښې ډېر شوې چې خلک يې سخت اندېښمن کړي دي.

Views: 27

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.