هلمند کې د نشه يي توکو د تولید یوه کارخونه له منځه وړل شوې ده

[restrict paid="true"]

<p style="text-align: justify;">لښکرګاه (پژواک، ۲۵ کب ۱۴۰۰): د هلمند امنیتي مسوولین وايي چې تېره ورځ يې د دغه ولايت په ګرشک ولسوالۍ کې د نشه يي توکو "اومانو" د توليد يوه کارخانه کشف کړې او له منځه وړې او په تړاو يې اته کسان نيولي دي.</p>

<p style="text-align: justify;">"اومان" یو ډول بوټۍ دی چې د هلمند په غرونو کې پيدا کېږي او په کارخانو کې نشه يي توکي ترې جوړېږي.</p>

<p style="text-align: justify;">د هلمند د اطلاعاتو او کلتور رياست مرستیال مولوي محمدقاسم ریاض پژواک خبري اژانس ته وويل چې دغه کارخانه امنیتي ځواکونو د يو لړ کشفي عملياتو پر مهال موندلې او له منځه وړې ده.</p>

<p style="text-align: justify;">ده وويل چې له یادې کارخانې سره په تړاو اته کسان هم نيول شوي چې عدلي او قضايي ارګانونو ته به وسپارل شي.</p>

<p style="text-align: justify;">ریاض زیاته کړه: "اسلامي امارت ژمن دی هغو کسانو ته د اصولو مطابق سزا ورکړي چې دا ډول کړنې ترسره کوي.»</p>

[/restrict]