<p style="text-align: justify;">لښکرګاه (پژواک، ۲۸ غبرګولی ۱۴۰۱): د هلمند د اطلاعاتو او فرهنګ ریاست مسوولین وايي، په دوو ورځو کې د دغه ولایت په بېلابېلو سیمو کې د ترافیکي پېښو له امله یو کس مړ او ۱۲ نور ټپیان شوي دي.</p>
<p style="text-align: justify;">د یاد ریاست مرستیال مولوي محمدقاسم ریاض پژواک خبري اژانس ته وویل چې دغه پېښې نن او تېره ورځ په نادعلي، مارجې، باباجي او واشير ولسواليو کې رامنځته شوې دي.</p>
<p style="text-align: justify;">نوموړی وايي، ټپیان د ځینو ولسوالیو روغتیایي مرکزونو په ګډون د لښکرګاه ښار ایمرجنسي روغتون ته هم لېږدول شوي دي .</p>
<p style="text-align: justify;">هغه د ټپيانو د روغتیايي وضعيت په اړه څه ونه ویل.</p>
