اټلانټا (پژواک، ۷ وږی ۱۴۰۱): د پاکستان حکومت ویلي چې روانو سېلابونو تر اوسه نږدې ۱۱۵۰ کسان وژلي او لس میلیارد ډالر زیان یې اړولی دی.
یاد حکومت زیاته کړې، میلیونونه خلک له سېلابونو زیانمن شوي او دا هېواد په تېرې یوې لسیزه کې له دې پلوه تر ټولو له بد حالت سره مخ دی.
د پاکستان د اقلیم له بدلون سره د مبارزې وزیرې شیري رحمان ویلي چې د پاکستان درېیمه برخه تر اوبو لاندې ده او دغه حالت «له تصوره لرې یو بحران» زېږولی دی.
چارواکي وايي، د جون له میاشتې راهیسې - چې موسمي بارانونه پيل شوي - تر اوسه ۱۱۳۶ کسان مړه شوي خو ویل کېږي چې د مړه شوو شمېر ممکن له دې زیات وي؛ ځکه چې په غرنیو سیمو کې له سلګونه کلیو او بانډو سره اړیکې پرې شوې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن