ميدان ښار (پژواک، ٢٨ وږى ١۴٠١): د میدان وردګو په چک ولسوالۍ کې د ۴۱ مېلیونه افغانیو په لګښت د درېیو ټولګټو پروژو د جوړولو چارې پیل شوې.
په دغو پروژو کې د پاکو اوبو رسونې شبکه، استنادي دیوالونه او په بېلابېلو برخو کې د عامه پوهاوي پروګرامونه شامل دي.
د یادو پروژو د پلې کولو چارو مشر نصیراحمد رشیدي پژواک خبري اژانس ته وویل چې د چک ولسوالۍ په ګلي، محمدداد او لوړ خلیلي سیمو کې ٥٦٧ متره استنادي دیوال جوړېږي.
دغهراز ده وويل چې د یادې ولسوالۍ په کنجغتو سیمه کې د پاکو اوبو رسونې یوه شبکه هم جوړېږي.
هغه زياته کړه: «د عامه پوهاوي یا ظرفیت لوړونې پروګرام له لارې به هم په کلیوالي سیمو کې خلکو ته په ټولنه کې د ناوړه دودونو د له منځه وړلو او همداشان بزګرو او بڼوالو ته مسلکي مشورې او روزنه ورکول کېږي.»
ده وویل چې پر يادو پروژو ٤١ ميليونه افغانۍ لګښت راځي او د ملګرو ملتونو له لوري ورکول کېږي.
دغهراز د دې ولسوالۍ د ګلي کلي اوسېدونکي رحمتالله پژواک ته وویل، خوښ دی چې له مودو ورسته یې په سیمه کې د بیارغونې چارې پيلېږي.
هغه غوښتنه وکړه چې مسوولین باید د یادو پروژو له تطبیق څخه وخت په وخت څارنه وکړي.
غړيYou need to subscribe to view the full article. Please login or register a new account.
