ګردېز (پژواک، ۳۱ غویی ۱۴۰۲): د لوړو زدهکړو وزارت سرپرست شیخ ندامحمد ندیم نن پکتیا ولایت ته د سفر په ترڅ کې وویل چې د پکتیا پوهنتون محصلینو ته به د عملي زدهکړو زمینه برابروي.
نوموړي د یاد پوهنتون له استادانو او محصلینو سره په لیدنه کې وویل: «په پوهنتون کې د نظري زدهکړو ترڅنګ هغه اسباب او وسايل چې له فراغت وروسته يو محصل ورسره سروکار لري، هغه عملا وسايل او توکي دي چې بغير له دې وسايلو يو فارغ شوی محصل خپل علم پرمخ نه شي بيولی.»
هغه دغهراز زیاته کړه چې د یاد پوهنتون ټولو ستونزو ته به په تدریجي ډول رسېدنه وشي او حللارې به ورته پیدا کوي.
بلخوا، د پکتيا پوهنتون ریيس پوهنمل عبيدالله اخندزاده د لوړو زدهکړو وزارت له سرپرست څخه په پوهنتون کې د ځینو ودانیو د رغولو غوښتنه وکړه.
هغه وویل: «په دغه پوهنتون کې د يو شمېر ودانيو د بيا جوړولو چارې نيمګړې پاتې دي چې وزارت يې بايد د بېرته جوړولو کار پيل کړي.»
نوموړي زیاته کړه، د يو شمېر پوهنځيو لپاره د درسي او تخنيکي موادو نشتوالي له امله محصلين او استادان له ستونزو سره مخ دي.
د پکتیا پوهنتون رییس وویل، دغه پوهنتون اوسمهال اته پوهنځي او شاوخوا ۸۰۰۰ محصلین لري.
په ورته وخت کې، د یاد پوهنتون د طب پوهنځي محصل محبالله همت پژواک ته وويل: «له لوړو زدهکړو وزارت څخه زموږ غوښتنه دا ده چې محصلينو ته د عملي زدهکړو زمینه برابره کړي؛ ځکه چې د طب پوهنځي زياته برخه عملي کار ته اړتيا لري.»
نوموړى وايي، په پکتیا کې د طب پوهنځي کادري روغتون شته خو د کمو وسايلو له امله ټولو محصلينو ته بسنه نه کوي.
د هغه په خبره، د طب پوهنځى يوه مجهز لابراتوار، کتابتون او ډېرو وسايلو ته اړتيا لري.
همداراز د یاد پوهنتون د انجينرۍ پوهنځي محصل نظرمحمد خپلواک هم وايي، د دغه پوهنځي محصلین تر ډېره عملي کار ته اړتیا لري او دې برخې ته باید پاملرنه وشي.
هغه د لوړو زدهکړو له وزارت څخه غوښتنه وکړه چې محصلینو ته باید د عملي کارونو لپاره اړین وسایل په واک کې ورکړي او دغهراز له پوهنتون څخه بهر په نورو ادارو کې د کار زمینه برابره ورته کړي.
غړيYou need to subscribe to view the full article. Please login or register a new account.
