کابل (پژواک، ۱۹ لېندۍ ۱۴۰۳): د افغانستان د مالیې وزارت وايي چې د بلخ، اقینې او کندوز ولایتونو په ګمرکونو کې د ۱۵ میلیون افغانیو په لګښت د لوړ تناژ تلې جوړې شوې.
د مالیې وزارت له لوري په خپره شوې خبرپاڼه کې راغلي چې د ګمرکونو لوی ریاست د ۱۳،۶ میلیون افغانیو په لګښت د بلخ ولایت په نایباباد ګمرک کې د وارداتي او صادراتي سوداګریزو توکو وزن کولو لپاره دوه او د فاریاب د اقینې په ګمرک کې یوه د لوړ تناژ تلې جوړې کړې.
سرچینې زیاته کړې، د دغو تلو له لارې به د اضافي وزن او د ملي عوایدو د ضایع کېدو مخنیوی وشي.
سرچینه دغه راز زیاتوي چې د کندوز په ګمرک بیا د ۱،۴ میلیون افغانیو په لګښت د لوړ تناژ تله ترمیم شوه.
د سرچینې د معلوماتو له مخې، د یادو تلو جوړولو او ترمیم لګښت د مالیې وزارت له پراختیایي بودجې ورکول شوی او چارې یې هم د افغاني شرکتونو له لوري بشپړې شوې دي.
