دا راپور واورئ
۰:۰۰ / ۱:۰۰
میدانښار (پژواک، ۵ وري ۱۴۰۴): د میدان وردګو امنیه قومانداني وایي چې د دغه ولایت په سید اباد ولسوالۍ کې د دوو ترافیکي پېښوله امله دوو کسانو ژوند له لاسه ورکړی او اته نور ټپیان دي.
د میدان وردګو ولایت د امنیه قوماندانۍ په خبرپاڼه کې راغلي چې لومړنۍ پېښه د سید اباد ولسوالۍ د لوړې په سيمه کې د یوه مازدا او کرولا ډوله موټرو د ټکر له امله شوې ده.
خبرپاڼه کې راغلي، په دغه پېښه کې دوو کسانو ژوند له لاسه ورکړی او درې نور ټپیان دي.
امنیه قوماندانۍ لیکلي چې دوېیمه پېښه هم د سیداباد ولسوالۍ اړوند په دشت ټوپ سیمه کې د یوه فیلډر موټر د چپه کېدو له امله شوېده.
سرچېنې د معلوماتو له مخې، په دغه پېښه کې پنځه کسان ټپیان شوي دي.
