د غزني په خوګیاڼو کې د چاودنې له امله څلورو ماشومانو ژوند له لاسه ورکړی

<p style="text-align: justify;">کابل (پژواک، ۸ وری ۱۴۰۵): غزني کې ځايي مسوولین وایي چې د دغه ولایت په خوګیاڼو ولسوالۍ کې د یوه زاړه ماین چاودنې له امله څلورو ماشومانو ژوند له لاسه ورکړی دی.</p>

<p style="text-align: justify;">د غزني د امنیې قوماندانۍ خبرپاڼه کې راغلي چې دغه پېښه تېره ورځ د خوګیاڼو ولسوالۍ په علي‌خان‌خېلو کلي شوې ده.</p>

<p style="text-align: justify;">سرچینې زیاته کړې چې په دې پېښه کې دوو ماشومانو ژوند له لاسه ورکړی او دوه نور ټبیان شوي دي.</p>

<p style="text-align: justify;">خو د غزني د اطلاعاتو او فرهنګ رئیس ملا حمیدالله نثار نن سهار پژواک ته وویل چې په دې پېښه کې ټپي شوو دوو ماشومانو هم ژوند له لاسه ورکړی دی.</p>

<p style="text-align: justify;">امنیې قوماندانۍ له خلکو غوښتي چې ناچاوده توکو ته له نږدې کېدو ډډه وکړي.</p>