کابل (پژواک، ۸ تله ۱۴۰۵): د ننګرهار ولایت مقام وایي چې د دغه ولایت په خوږیاڼو ولسوالۍ کې د یوې زړې مرمۍ چاودنې له امله درېیو ماشومانو ژوند له لاسه ورکړی او یو بل ټپي شوی دی.
د ننګرهار ولایت مقام په خبرپاڼه کې راغلي چې دغه پېښه تېره ورځ د خوږیاڼو ولسوالۍ په زاوې سیمه کې شوې ده.
سرچینې زیاته کړې، یادو ماشومانو د هاوان یوه زړه مرمۍ موندلې وه او لوبې پرې کولې چې پرې چاودلې او یاده مرګژوبله یې رامنځته کړې ده.
د ننګرهار ولایت مقام لیکلي چې ټپي شوی کس د امنیتي ځواکونو له لوري روغتون ته لېږدول شوی دی.
وش
وليمحمد شینواری
