چاپېريال ساتنه

د غور امنیتي مسوولین وایي چې درې کسان یې د دغه ولایت ساغر ولسوالۍ کې د کمیابو مرغانو د ښکار په تور نیولي دي.

د لوړو زده‌کړو وزارت او چاپېریال ساتنې ملي ادارې مسوولین د اقلیمي بدلونونو له ستونزو سره د مبارزې لپاره د حل‌لارو موندلو په موخه په ننګرهار پوهنتون کې د «اقلیمي بدلونونو نړۍوالې غونډې» له جوړېدو خبر ورکوي.

د کورنیو چارو وزارت وایي چې د ځنګلونو ساتنې لپاره یې یوه امنیتي قطعه جوړه کړې، هم‌مهاله یو شمېر هېوادوالو د دې امنیتي قطعې د جوړېدو هرکلی کړی دی.

د ترانسپورت او هوایي‌ چلند وزارت د هوا پېژندنې ریاست نن او سبا د هېواد په ۳۰ ولایتونو کې د سختې واورې او تېز باران ورېدو او د سېلابونو راوتلو اټکل کړی دی.

د فاریاب د بېلابېلو سیمو ځیني اوسېدونکي دغه ولایت کې د وحشي ژوو او نایابه مرغانو د نسل له منځه تلو ته اندېښنه ښيي او له سرپرست حکومته غواړي څو دې برخه کې جدي پاملرنه ولري.

د دایکنډي یو شمېر اوسېدونکي وايي، په دغه ولایت کې د لوګي تولیدوونکو توکو د سوځولو له امله د هوا ککړتیا اندېښمن کړي او وايي ‎حکومت یې باید د مخنیوي برخه کې پاملرنه وکړي.

فراه کې د یو شمېر سیمو کروندګرو د وچکالۍ له امله خپلې کرنیزې ځمکې پرېیښې او د مزدورۍ لپاره د ولسوالیو او ولایت مرکزونو ته تللي یا کډه شوي دي.

د بلخ د مرکز مزارشریف ښار اوسېدونکي د ښار هوا له ډېرې ککړتیا شکایت کوي او له حکومته غواړي چې د مخنیوي لپاره یې اقدام وکړي.

د فاریاب د مرکز میمنې ښار یو شمېر اوسېدونکي د دغه ښار د سړکونو غاړو ته د ولاړو ونو پر وچېدو او وهل کېدو اندېښنه ښيي او وايي، مسوولین دې د ښار سمسورولو لپاره اغېزناک پلان جوړ کړي.

د غور امنیتي چارواکي وايي چې د دغه ولایت په شهرک ولسوالۍ کې اته ښکاریان د وحشي ژوو او مرغانو د ښکار پر مهال نیول شوي دي.

د لوړو زده‌کړو وزارت له لوري د ننګرهار پوهنتون په کوربه‌توب د اقليم بدلون نړۍوال کنفرانس جوړېږي چې د بېلابېلو هېوادونو پوهان او متخصصين به په کې برخه واخلي.

د لغمان د کرنې، اوبولګولو او مالدارۍ ریاست مسوولین وایي، د دغه ولایت په مرکز او  څلورو ولسوالیو کې یې د ځنګلونو د ساتنې په موخه د  کلیوالي شوراګانو جوړولو لړۍ پیل کړې ده.