فيچرونه

د خوست د ګربزو ولسوالۍ د لرې پرتو سيمو يو شمېر زده‌کوونکي وايي چې ثانوي زده‌کړو ته د نه لاسرسي له امله یې زده‌کړې په نيمايي کې پاتې کېږي.

د ماشومانو داخله متخصصین د ژبې بندښت د خبرو کولو د اختلال یو ډول ګڼلی او وايي، نښې یې په ماشومانو کې وروسته له دوه کلنۍ راڅرګندېږي، د دې ترڅنګ چې دغه ډول ماشوم باید ژر ډاکټر ته یووړل شي، باید عاطفي او نرم چلند ورسره وشي.

خوست کې د ډيورنډ کرښې په اوږدو کې د افغان او پاکستاني ځواکونو ترمنځ د وروستيو نښتو له امله بې‌ځايه شوې کورنۍ له حکومت او مرستندويه بنسټونو د مرستو غوښتنه کوي.

د بلخ اوسېدونکي د دغه ولایت مرکز مزارشریف او جوزجان ترمنځ سړک باندې له ډېرې ګڼه‌ګونې شکایت کوي او د دغه سړک د دویم لاین جوړېدو غوښتنه کوي.

جوزجان کې ځینې انځورګرې نجونې له مسوولینو غواړي چې د هنري، په ځانکړې توګه د انځورګرۍ نندارتونونو په جوړولو سره د دوی ملاتړ وکړي.

د افغانستان د زندانونو چارو د تنظیم ادارې سرپرست وایي چې د هېواد په زندانونو کې له دوو تر درېیو زرو کسان پر حرفوي زده‌کړو بوخت دي.

روغتیایي متخصصین په ماشومانو کې د سوري زړه ناروغي مورزادي ستونزه بولي ‎او له کورنیو غواړي چې که له زېږون وروسته په ماشوم کې د نفس‌تنګۍ، د نوکانو او شونډو شین‌والي، تبې او کمزورتیا نښې وویني، ژر تر ژره یې دې روغتون ته ولېږدوي.

نیمروز کې د محمدعارف په نوم یو ځوان چې له پنځو کلونو راهیسې پر نشه‌یي توکو روږدی و، وايي، شپږ میاشتې کېږي چې د نشه‌یي توکو کارول یې پرېیښي او اوس د جوارو خرڅولو له لارې د خپلې کورنۍ نفقه پیدا کوي.

د ارتوپیدي او تروماتوولوژي یو متخصص ډاکټر د هډوکو ورستېدل یوه خاموشه ناروغي بولي او وايي چې د کلسیم، ویټامین ‌ډي او پروټین ‌لرونکو خوړو کارول پر دې ناروغۍ د اخته کېدو مخنیوی کوي.

په بادغیس ولایت کې یو شمېر زده‌کوونکي په ښوونځیو کې د څښاک پاکو اوبو له نشتوالي شکایت کوي، خو مسوولین وايي چې د دې ستونزې د حل په هڅه کې دي.

د پکتیکا د ارګون ولسوالۍ د «درې» یو شمېر اوسېدونکي شکایت کوي چې د سیمې سړکونه یې خامه دي، روغتیايي، ښوونیزو او مخابراتي خدمتونو او د څښاک پاکو اوبو ته هم بشپړ لاسرسی نه لري.

د غزني پوهنتون یو شمېر محصلین وايي، د لیلیې نشتوالي له امله اړ دي په شخصي ځایونو کې و اوسېږي چې له امله یې له ګڼو ستونزو سره مخ دي.