<p style="text-align: justify;">کابل (پژواک، ۱۰ لېندۍ ۱۴۰۳): د هېواد د وزن پورته کولو ملي لوبډلې لوبغاړي زبیر نظري د قطر کپ اسیایي سیالیو کې د ۲۵۰ کیلو وزن په پورته کولو سره په دغو سیالیو کې اتم مقام خپل کړ.</p>
<p style="text-align: justify;">د افغانستان د وزن پورته کولو فدراسیون نن پر خپله فېسبوکپاڼه لیکلي، زبیر نظري د وزن پورته کولو ملي لوبډلې لوبغاړي د «قطر کپ» او د اسیایي هېوادونو اتلولۍ جام په سیالیو کې د ۲۵۰ کیلوګرامه وزن په پورته کولو سره د ۱۳ هېوادونو ترمنځ په دغو سیالیو کې اتم مقام خپل کړ.</p>
<p style="text-align: justify;">سرچینې ویلي، په دغو سیالیو کې به نن ماښام د وزن پورته کولو د ملي لوبډلې بل لوبغاړی فضل کریم ترکمن په ۱۰۲ کیلوګرام وزن کې له خپلو سیالانو سره د سیالۍ ډګر ته کښته شي.</p>
<p style="text-align: justify;">د یادونې ده، یادې سیالۍ چې د ۳۰ هېوادونو د لوبغاړو په ګډون د روانې ډسمبر میاشتې په ۲۶مه په دوحه کې پیل شوې، سبا په پای ته ورسېږي.</p>
