Language

Don't you have an account with Pajhwok Afghan News?

Click here to subscribe.

سږ کال په هېواد کې د پخواني ماینونو او مهماتو چاودنو د ۱۴۹ کسانو ژوند اخیستی

کابل (پژواک، ۱۰ مرغومی ۱۴۰۳): د پېښو پر وړاندې د چمتووالي ملي اداره وايي چې روان ميلادي کال په هېواد کې ۱۵۲ کیلومتر مربع ځمکه له ماینونو او ناچاوده توکو پاکه شوې او زیاتوي چې په دې موده کې د دغو توکو په چاودنو کې ۱۴۹ کسانو ژوند له لاسه ورکړی او ۴۰۴ نور ټپیان شوي دي.

د پېښو پر وړاندې د چمتوالي ادارې د انسجام، همغږۍ او ماین پاکۍ رییس نورالدین رستم‌خېل پژواک خبري اژانس ته وویل چې په ۲۰۲۴ کال کې په ټول افغانستان کې د ناچاودو ماینونو او مهماتو ۲۸۸ پېښې ثبت شوې دي.

هغه وايي چې په دغو چاودنو کې ټولټال ۱۴۹ کساونو ژوند بایللی او ۴۰۴ نور ټپیان شوي دي.

د رستم‌خېل په خبره، د یادو چاودنو له امله په ژول شوو کې کې ۱۴ سړي، ۲ ښځې، ۱۰۹ هلکان او ۲۴ نجونې او په ټپیانو کې ۷۷ سړي، ۱۸ ښځې، ۲۶۲ هلکان او ۴۷ نجونې شامل دي.

هغه زیاته کړه چې ډېری دغه پېښه په میدان‌ودرګو، کندهار، هلمند، غزني، فراه، فاریاب، ارزوګان، نیمروز، خوست، لوګر، پکتیا او پکتیکا ولایتونو کې شوې دي.

سرچینې وویل چې سږ مېلادي کال په هېواد کې ۱۵۱.۹ کیلومتر مربع ځمکه له تېرو جګړو د پاتې ماینونو او ناچاودو مهماتو پاکه شوې ده.

رستم‌خېل څرګنده کړه چې واک ته د اسلامي امارت له رسېدو وروسته په هېواد کې ۶۰۰ کیلومتر مربع ځمکه له ناچاودو توکو پاکه شوې ده.

دغه راز هغه زیاته کړه: «له جګړې ستړی شوی افغانستان په نړۍ کې په ناچاودو یو له ککړو هېوادونو بلل کېږي او هره میاشت لسګونه کسان په ځانګړې توګه ماشومان د دغو ماینونو د چاودنو له امله یا ژوند بایلی او یا هم معلول کېږي.»

د هغه په وینا، دمګړۍ د هېواد په ۳۴ ولایتونو کې د ماین پاکۍ ۲۳۶ ټېمونه کار کوي چې د ټولو کارکوونکو شمېر یې ۲۱۰۰ کسانو ته رسیږي.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.