فيچرونه

د بامیان یو شمېر اوسېدونکي په دغه ولایت کې د ځمکې لاندې اوبو د پام وړ کمښت اندېښمن کړي او وايي چې وچکالي او د اوبو کمښت کرنې ته زیان اړولی او د څښاک پاکو اوبو ته لاسرسی یې ستونزمن کړی دی.

د ټولګټو وزارت وايي، د تېر زېږدیز کال په اوږدو کې د افغانستان د څلورو بندرونو اوسپنې پټلیو له لارې د ۴،۳ میلیون مټریک ټنه توکو انتقالات شوي دي.

د هرات د سوداګرۍ او پانګونې خونې مسوولین وايي چې له دغه ولایته بهر ته د پستې صادرات ډېر شوي او په تېرو نهو میاشتو کې یې د صادراتو ارزښت ۲۴،۶ میلیون امریکایي ډالرو ته رسېږي.

میدان‌وردګو کې سږ کال ۱۵۰ زره ټنه مڼې تولید شوې؛ د دغو مڼو لس سلنه بهر ته صادرې شوې خو یوازې د یو سلنه لپاره یې معیاري سړې خونې شته؛ بڼوال شکایت کوي چې ډېرې مڼې یې یا خرابېږي او یا يې هم په داسې ارزانه بیه پلوري چې لګښتونه یې نه شي پوره کولای.

د افغانستان د عامې روغتیا وزارت وايي چې د تېر ۲۰۲۴ میلادي کال په ۱۱ میاشتو کې د هېواد په کچه روغتیايي مرکزونو کې د زېړي ناروغۍ ۱۴ زره او ۷۰۰ شکمنې پېښې ثبت شوې چې له امله یې ۱۴۰ کسان مړه شوي دي.

د ا.ا د یوې موثقې سرچینې معلوماتو له مخې، په حکومت کې د ښځينه کارکوونکو ټول شمېر ۸۶ زره او ۴۹ ته رسېږي چې له دې ډلې ۱۷۶ یې بالمقطع او ۷۹۵۱۹ رسمي او برحاله کارکوونکې دي او ۶۳۵۴ نورې کارکوونکې په کورونو کې خپل معاش ترلاسه کوي.

د کمال خان بند اوبو له خوشې کېدو وروسته د دغه ولایت کروندګر خوښ دي او هیله څرګندوي چې راروان کال کې به یې کښت ښه او حاصلات ډېر وي.

په هغه راپور کې چې د عامې روغتیا وزارت له لوري پژواک خبري اژانس ته په واک کې ورکړل شوی راغلي چې د پاکټي چای ځینو کڅوړو کې له نیلون او پروپیلن پلاستیکي موادو استفاده شوې چې د استفاده‌کوونکو روغتیا او چاپېریال ته د زیان لامل کېږي.

د بامیان یو شمېر اوسېدونکي د دغه ولایت په روغتیایي مرکزونو کې د امکاناتو له کمښته او د تخصصي برخو له نشتوالي شکایت کوي او د دې ستونزو د حل غوښتنه کوي، خو مسوولین بیا په راتلونکي کې د روغتیايي خدماتو ښه کېدو خبره کوي.

د بلخ اوسېدونکي او لرغون‌پوهان وایي چې د دغه ولایت لرغوني اثار په کانټینرونو کې ساتل کېږي او له حکومته غوښتنه کوي چې د خوندیتوب په موخه دې ورته معیاري او مجهز موزیم جوړ کړي.

د هېواد د پاراتکواندو ملي لوبډلې ورزشکار علي‌سجاد چې په څلورو هېوادونو کې یې په بېلابېلو نړۍوالو سیالیو کې ګډون کړی او دغو سیالیو کې یې بېلابېل مډالونه ترلاسه کړي وایي، معلولیت محرومیت نه دی، هر څوک چې په هره برخه کې اراده او هڅه وکړي، قطعاً بریالی کېږي.

سرپل کې یو شمېر ورزشکاران د ورزش معیاري میدانونو، مناسبو تجهیزاتو او مالي ملاتړ له نشتوالي شکایت کوي او د هېواد د بدني روزنې او ورزش له ریاسته غواړي چې د دغو ستونزو هواري لپاره اقدام وکړي.