روغتیا

د ننګرهار امنیې قوماندانۍ له لوري یو ځل بیا په جلال‌اباد ښار کې د درملنې په موخه پر نشه‌يي توکو د روږدو د راټولولو کمپاين پيل شو.

د اروزګان د عامې روغتیا ریاست مسوولین وايي چې د دغه ولایت په کچه یې د بېړنیو ناروغانو لېږدولو په موخه د لومړي ځل لپاره د امبولانس خدمتونه پیل کړي دي.

د افغاني سرې میاشتې ټولنه وايي، د زړه سوري پر ناروغۍ اخته ۷۰ ماشومان یې د درملنې په موخه د کابل ښار پنځو روغتونونو ته ورپېژندلي دي.‎

د روغتیا نړۍوال سازمان وایي، له افغانستان سره یې د ۲۰ ټنه درملو او طبي تجهیزاتو مرسته کړې او د پنځو ولایتونو روغتیايي مرکزونو ته به ورکړل شي.

د عامې روغتیا وزارت وایي، څلوېښت روغتیایي کارکوونکي یې د جدي څارنې برخه کې د یو میاشتنۍ هر اړخیزو زده‌کړو ترلاسه کولو په موخه ایران هېواد ته استولي دي.

د عامې روغتيا وزارت د لومړنيو روغتيايي خدمتونو ریيس وايي چې لا هم د ټول هېواد ۲۵ سلنه سيمې سپینې دي او خلک یې روغتيايي خدمتونو ته لاسرسی نه لري.

کابل کې د ښځو په ګډون نږدې ۳۰۰ ډاکټرانو خپله د تخصص دوره بشپړه کړه او د فراغت په مناسبت یې جوړه شوې غونډه کې چارواکو وویل چې د هېواد پر روغتیايي سیستم د شته بې‌باورۍ د له منځه تلو لپاره دې دغه متخصصين خلکو ته په لوړ کیفیت روغتیايي خدمات وړاندې کوي.

د بلخ روغتیایي مسوولین وایي چې په دغه ولایت کې له تېر زېږدیز کال راهیسې ۴۰۲۵ کسان د نري رنځ پر ناروغۍ اخته شوي او له امله یې ۱۷ کسان مړه شوي هم دي.

د فراه عامې روغتیا ریاست وايي چې په تېرو لسو ورځو کې په دغه ولایت کې د سترګو ۴۳۱ وړیا عملیات ترسره شوي دي.

د کورنیو چارو وزارت له نشه‌یي توکو سره د مبارزې مرستیال ملا عبدالحق اخند همکار اروزګان ولایت ته د سفر پر مهال ویلي، ډېر ژر به په ترینکوټ ښار کې د روږدو درملنې ۳۰۰ بستریز روغتون جوړ شي.

د اروزګان د چارچینو یو شمېر اوسېدونکي شکایت کوي چې په دې ولسوالۍ کې اوسني روغتیایي خدمتونه د دوی لپاره بسنه نه‌کوي او له حکومته غواړي چې دې برخې ته پاملرنې وکړي.

د ننګرهار عامې روغتیا ریاست وايي چې په ختیځ زون کې ۱۶۰۰ کسان د تلسیمیا پر ناروغې اخته دي، بلخوا دغه ناروغان له ځوانانو د وینې او له حکومته د درملنې برخو کې د مرستې غوښتنه کوي.