دین او کلتور

د امر بالمعروف او نهي عن‌المنکر وزارت سرپرست په افغانستان کې د اسلامي همکاریو سازمان له استازي سره په لیدنه کې ویلي، دغه سازمان کولای شي د افغانستان او اسلامي نړۍ ترمنځ د ښو اړیکو جوړولو برخه کې مثبت رول ولوبوي.

د اطلاعاتو او فرهنګ وزارت سرپرست د ناروې له شارژدافیر سره په لېدنه کې ویلي، د فرهنګي میراثونوساتنه یوازې د افغانانو دنده نه؛ بلکي دا د ټولي نړۍ دنده ده چې په دې برخه کې له افغانستان سره همکاري وکړي.

د راډیو له نړۍوالې ورځې سره هم‌مهاله په ننګرهار کې د «دوست» خصوصي راډیو مسوولین وايي، ځینو اقتصادي ستونزو د دغې راډیو فعالیت اغیزمن کړی، بلخوا مسوولین بیا وايي چې هڅه کوي د اعلاناتو په اخیستو له راډیوګانو سره همکاري وکړي.

ځایي سرچینې وایي چې د روان کال تېرو ۱۱ میاشتو کې ۲۰۰ بهرنیو ګرځندویانو له غور او ۴۷ له جوزجانه لیدنه کړې ده.

د پکتيکا اطلاعاتو او فرهنګ رياست وايي چې په تېرو درېيو کلونو کې په دغه ولایت کې ۱۵۳ تاریخي سیمې او ابدې ثبت شوې دي.

د ټرمپ د حکومت د اصلاحاتو پروسې مشر ایلان ماسک د ازادي او امریکا غږ راډیوګانو بندېدو غوښتنه کړې او وایي چې نور دې رسنیو ته څوک غوږ نه نیسي او هر کال د امریکایي مالیه‌ورکوونکو یو میلیارد ډالر بېځایه لګېږي.

د ارشاد، حج او اوقافو وزارت وایي، له اریانا او کام‌اير هوایي شرکتونو سره د ۳۰ زره حاجیانو د لېږد رالېږد تړون لاسلیک شو.

د سرپل یو شمېر فرهنګیان د اندېښنې په څرګندولو سره وايي، د دغه ولایت د مرکز په مربوطاتو کې د خواجه علي جوزجاني زیارت د له منځه تلو په حال کې دی او حکومت یې باید د بیارغونې لپاره اقدام وکړي.

د ننګرهار ولایت د اطلاعاتو او فرهنګ ریاست له لوري، د دغه ولایت د خوږياڼو ولسوالۍ د مملې په بڼ کې د نرګس ګل کلنۍ مشاعره جوړه شوه.

د پکتيا په وزې ځدراڼ ولسوالۍ کې د ګڼو شاعرانو، ليکوالانو او اديبانو په ګډون د «جرګو او د سنګر سړي» تر سرلیک لاندې مشاعره جوړه شوه.

د اطلاعاتو او فرهنګ وزارت وایي، د دغه وزارت د پریکړي په اساس د بیګم راډیو خپرونې د نشراتي پاليسۍ څخه د سرغړوني او د جواز د ناسمي کاروني له امله وځنډول شوې.

د کندهار سیمه‌ییز ‌مسوولین وایي، په دغه ولایت کې ‎«کتاب د علم ځولۍ» په نوم د کتابونو درې ورځنی نندارتون پرانیستل شو.