دین او کلتور

د راپورونو له مخې، د امریکا ولسمشر ډونالډ ټرمپ د یوه فرمان له مخې د امریکا غږ او د دغه هېواد یو شمېر دولتي رسنیو کارکوونکي په اجباري ډول رخصت شوي او د ازادۍ راډیو بودجه هم قطع شوې ده.

د ننګرهار د اطلاعاتو او فرهنګ ریاست مسوولین وايي، یوه کاناډايي سيلاني چې دغه ولايت ته په سیاحت تللی و، د اسلام مبارک دین قبول کړی دی.

د حج او اوقافو وزارت سرپرست نن کابل کې په یوه خبري کنفرانس کې وویل چې سږ کال به له ټول هېواد څخه ۳۰ زره کسان د حج فریضې ادا کولو په موخه سعودي عربستان ته سفر وکړي.

د اسلامي امارت د مشرتابه د حکم له مخې، د جوماتونو لپاره د برېښنا لګښتونه معاف شول.

د لوګر د اطلاعاتو او فرهنګ ریاست مسوولین وایي چې په روان لمریز کال کې یې دغه ولایت کې د ځوانانو علمي کچې لوړولو په موخه اته علمي سیالۍ جوړې کړې دي.

د هلمند ولایت په مرکز لښکرګاه کې د «ستا» په نوم یوې نوې سیمه‌ییزې خصوصي راډیو خپرونې پیل کړې.

کابل کې د یوه څېړنیز سمینار ګډونوالو وویل چې بهرمېشتي افغان پانګه‌وال دې په هېواد کې پانګونې ته وهڅول شي، د پانګه‌والو د لا خوندیتوب لپاره دې تدایبر ونیول شي، پر افغانۍ د باور کچې لوړولو ته دې کار وشي، کرنه دې میکانیزه او د عشر او زکات لپاره دې تګلاره جوړه شي.

د اطلاعاتو او کلتور وزارت د فرهنګ او هنر معین په یوه فرهنګي غونډه کې ژمنه کړې چې د کتابونو د چاپ او خپرولو برخه کې به له لیکوالو او شاعرانو سره مرسته وکړي.

کابل کې د یوه خبري اژانس د پرانیست‌غونډې ګډونوالو په هېواد کې له رسنيو او بيان ازادۍ پر ملاتړ ټينګار وکړ.

د اطلاعاتو او فرهنګ وزارت وایي، تر تعهد اخېستلو وروسته د بیګم او ځونانو راډیوګانو ته د بیا ځلې خپرونو اجازه ورکړل شوه.

د اطلاعاتو او فرهنګ وزارت مسوولینو د وزارتونو او مرکزي ادارو له ویاندویانو سره د همغږۍ په غونډه کې، له رسنیو د معلوماتو پر شریکولو ټېینګار کړی دی.

د یوناما مشرې د اطلاعاتو او فرهنګ وزارت له سرپرست سره په ليدنه کې د افغانستان د فرهنګي میراثونو د ساتنې برخه کې د همکاری ډاډ ورکړی دی.