د کورنیو چارو وزارت وایي، په افغانستان کې د تریاکو بیو لوېدو په اړه د ملګرو ملتونو راپور د نشهیي توکو له منځه وړولو په برخه کې د اسلامي امارت د پوره جدیت او مبارزې بیلګه ده.
د جوزجان امنیه قومانداني وايي چې د دغه ولایت په مرکز شبرغان ښار کې د یوه ځوان د قتل په تور یې دوه کسان نیولي دي.
د پکتیا امنیه قومانداني وایي، تېره شپه د دغه ولایت د صرافانو زاړه مارکېټ ته وسلهوال غله ننوتي، یو ساتونکی یې وژلی، بل یې ټپي کړی، خو د لوټل شویو پیسو کره معلومات نشته.
د بلخ امنیه قومنداني وایي چې د دغه ولایت په بلخ ولسوالۍ کې یې د «کا» ټابلیټونو یوه کارخونه له منځه وړې او په تړاو یې درې کسان هم نیول شوي دي.
د میدانوردګو ولایت مقام وايي چې د دغه ولایت سیداباد ولسوالۍ اړوندو کې د ځایي کوچیانو او د سیمې اوسېدونکو ترمنځ شخړه شوې چې له امله یې دوو وروڼو ژوند بایللی او پلار یې ټپي شوی دی.
نن سهار د فراه د مرکز اړوند باغپل سیمه کې یوه کورنۍ کې د کاکا زامنو ترمنځ د میراث پر سر شخړه کې د دوو مېرمنو په ګډون درې کسان وژل شوي او یو بل ټپي دي.
د بلخ امنیه قومانداني وایي چې دغه ولایت کې یې د امنيت ټینګښت په موخه د موټرسایکلسپرو پولیسو ۴۶ کسیزه قطعه جوړه کړې ده.
ننګرهار کې مسوولین وایي چې د دغه ولایت دوربابا ولسوالۍ کې د سرحدي ځواکونو له لوري ۷۰ کیلوګرامه خام چرس چې پاکستان ته لېږدول کېدل، نيول شوي خو قاچاقکوونکی یې په تېښته بریالی شوی.
د ننګرهار امنيتي مسوولین وايي، د دغه ولایت په رودات ولسوالۍ کې يوه نجلۍ خپل پلار وروسته له هغه وژلې چې یوه سپینږیري سړي ته یې ودوله خو هغې له دغه کاره انکار کړی و.
ستره محکمه وايي چې د کاپیسا په دویمه حصه ولسوالۍ کې د یوې ښځې په ګډون شپږو کسانو ته تعزیري سزا ورکړل شوه.
د غزني ولایت امنیتي مسوولین وایي، د دغه ولایت پنځمې امنیتي حوزې اړوندو کې د غلو یوه اته کسیزه ډله نیول شوې.
د تخار امنیه قومانداني وایي چې د دغه ولایت په بنګي ولسوالۍ کې یو کس د یوې یوولس کلنې ماشومې د قتل په تور نیول شوی دی.
د سرحدي پولیسو ریاست وایي، د روان لمریز کال په اوږدو کې یې د ۳۵۱ کیلوګرامه ګرانبیه ډبرو او نږدې څلور کیلوګرامه سرو زرو د قاچاق مخنیوی کړی دی.
د کندوز امنیتي مسوولین وايي، د دغه ولایت په امامصاحب ولسوالۍ کې یې هغه کس نیولی چې دوې ورځې مخکې یې خپل څلور کلن زوی وژلی و.
بدخشان کې امنیتي مسوولین وايي، د یوه اووه کلن ماشوم مړی چې څه موده مخکې نادرکه شوی و، د دغه ولایت په ارګو ولسوالۍ کې موندل شوی دی.
د افغانستان د کډوالو او راستنېدونکو چارو وزارت وايي، تېره ورځ ۲۱ نور افغانان د پاکستان له زندانونو خوشي او هېواد ته راستانه شوي دي.
د کډوالو او راستنېدونکو چارو وزارت وایي، دوه افغان کډوال د عراق د بصرې ښار له زندان ازاد او هېواد ته راستانه شول.
د راپورونو له مخې، د المان پولیسو یو ۲۶ کلن افغان د دغه هېواد په ختیځ کې مګدبورګ ښار ته نږدې په ډزو وژلی دی.
د پاکستان په کراچۍ کې د افغانستان سرکونسل وايي چې د پاکستان د سند ایالت له بېلابېلو زندانونو ۱۲ افغانان خوشي شوي دي.
د ننګرهار ولایت مقام د رسنیو دفتر وايي چې د تورخم پرونۍ جګړه کې د پاکستاني ځواکونو ډزو کې اته کسان ټپيان شوي دي.
د کابل امنیه قومانداني وايي، په کابل ښار کې یې شاوخوا ۸۵ زره امنیتي کامرې لګولې چې د جرمونو د مخنیوي او امنیت ټینګښت برخو کې ترې ګټه اخلي؛ ښاریان بیا که څه هم دغه کار ستايي خو وايي چې د خلکو خصوصي حریم باید خوندي وي.
د ننګرهار ولایت د مومندرې ولسوالۍ اړوند تورخم سیمه کې د پاکستاني ځواکونو په ډزو کې د پژواک خبریال وليمحمد شینواری او یو بل خبریال ټپيان شوي دي.
ننګرهار کې سیمهييزې سرچینې وايي چې په تورخم کې نن غرمه شاوخوا ۱۲ بجې يو ځل بیا د پاکستاني ځواکونو له برید وروسته جګړه شوې او اوس هم د درنو وسلو خال خال ډزې اورېدل کېږي.
د تخار امنیه قومانداني وايي، د دغه ولایت د پولیسو له لوري ۶۲۹۹ کیلوګرامه تریاک نیول شوي دي.
