ټولنه

د افغانستان بانک وايي، خلکو ته د اړینو اسانتیاوو برابرولو په موخه د روژې میاشتې له ۲۵مې، د کوچني اختر تر ورځې د جمعې ورځې په ګډون یې د کاري ساعتونو موده وغځوله.

سیمه‌ییز مسوولین وایي، په اروزګان او پنجشېر کې له ۶۴۰۴ کورنیو سره د خوراکي توکو، په سمنګان او سرپل کې له څه باندې درې زره کورنیو سره نغدي او فراه کې له زرو کوچیانو سره د څارویو خوراکي توکو مرستې وشوې.

د ننګرهار امنيې قوماندانۍ له لوري د جلال‌اباد ښار د زړو توکو د پلور بازار (کهنه فروشي) سیمه کې د زړو او استعمال شوو مبايلونو پر پېر او پلور بنديز ولګول شو.

د مالیې وزارت وايي، د ۱۴۰۳ مالي کال بودجه تر اوسه توشیح شوې نه ده، خو دولتي کارکوونکو ته د وري میاشتې تنخوا د روژې مبارکې میاشتې او کوچني اختر په درنښت له اختره مخکې ورکول کېږي.

سیمه‌ییز مسوولین وایي، په کابل، بلخ، فراه ولایتونو کې له څه باندې پنځه زره اړمنو کورنیو سره د خوراکي توکو مرستې وشوې.

بامیان کې د یوناما ساحوي دفتر مسوولین وایي چې اطلاعاتو ته لاسرسی یو له مهمو بشري حقونو دی چې د وخت په تېرېدو سره دغه ولایت کې د ښه کېدو په حال کې دی.

د نیمروز ځایي مسوولین وایي چې د ورېښمو پل دروازه په ایران کې د «سیزده‌بدر» عمومي رخصي له امله د یوې ورځې لپاره وتړل شوه.

د باغیس د مرکز قلعه‌نو ښار ځیني اوسېدونکي په دغه ښار کې د پارکونو له نشتوالي شکایت او د جوړېدو غوښتنه یې کوي، خو مسوولین وايي چې د کافی بودجې او ځمکې نشتوالي له امله په دې برخه کې کوم پلان نه لري.

د بلخ ولایت چمتال ولسوالۍ د بېلابېلو سيمو يو شمېر اوسېدونکي د څښاک پاکو اوبو ته له نه لاسرسي شکايت لري او د دې ستونزې د حل غوښتنه کوي.

بلخ ولایت کې یو شمېر معلولین وايي، اوسنيو شرایطو ته په پام سره دوی ته ټاکلې تنخوا بسنه نه کوي نو حکومت یې باید د لوړولو اقدام وکړي.

سیمه‌ییز مسوولین وایي، له څه باندې دوه زره کورنیو سره په اروزګان ولایت کې د خوراکي توکو او له ۸۶۶ کورنیو سره نغدې مرستې وشوې.

د کندوز د شېرخان بندر ځینې اوسېدونکي د څښاک پاکو اوبو ته له نه لاسرسي شکایت کوي او له حکومته غواړي چې د دوی دغې ستونزې ته رسېدنه وکړي.