د ماشومانو د ساتنې سازمان ویلي چې د روان کال په لومړیو شپږو میاشتو کې د اقلیمي بدلونونو له امله په افغانستان کې لږ تر لږه ۳۸ زره کسان د خپلو کورونو پرېښودو ته اړ شوي دي.
د لوګر د قومونو او قبایلو چارو ریاست وايي، په تېرو درېیو کلونو کې د دغه ولایت په مرکز او بېلابېلو ولسوالیو کې ۲۶ لویې او وړې شخړې هوارې شوې دي.
په بلخ کې یو شمېر معلولین د بشري حقونو د اسلامي اعلامیې د تصویب ۳۴مې کالیزې رارسېدو سره سم له نړۍوالې ټولنې غوښتنه کوي چې دوی ته د مرستو په وېش کې لومړیتوب ورکړي.
د هرات په لرو پرتو سیمو کې مالداري د کوچیانو اساسي اقتصادي فعالیتونه یادېږي، خو په دغه ولایت کې یو شمېر کوچیان وایي، د حیواني درملو برخه کې له جدي ستونزو سره مخ دي او ملاتړ یې نه کېږي.
د کونړ په شیګل ولسوالۍ کې د دوو کورنیو ترمنځ ۲۷ کلنه دښمني چې دوه کسان پهکې وژل شوي وو، د یوې قومي جرګې له لارې حل او فصل شوه.
د کورنیو چارو وزارت وايي چې په نږدې راتلونکي کې به په ټول هېواد کې د برېښنایي لایسنس ورکولو لړۍ پیل شي.
د دایکنډي د اطلاعاتو او فرهنګ ریاست وايي، «د بادام ګل هنري او کلتوري جشنواره» د دغه ولایت کلتوري او هنري ارزښتونو ته د پاملرنې په موخه ترسره شوه.
په داسې حال کې چې په ننګرهار کې په سیند او نهرونو کې د لامبو وهلو پر مهال د ځوانانو د مړینې پېښې ډېرې شوې، يو شمېر ننګرهاري ځوانانو په سیند کې د لامبو وهلو مخنیوي د عامه پوهاوي کمپاین پیل کړی.
د هلمند ولایت په سنګین ولسوالۍ کې د اطلاعاتو او فرهنګ ریاست له خوا یو عامه کتابتون پرانیستل شو .
سيمهییز مسوولین وایي، په هملند او سمنګان ولایتونو کې له څه باندې ۳۵۰۰ کورنیو سره د خوراکي توکو مرستې وشوې.
د ننګرهار ولايت د مرکز جلالاباد ښار يو شمېر اوسېدونکي وايي، په ښار کې د منظم کانالیزاسيون نشتوالي له امله په ورښتونو کې اوبه واټونو او پلو لارو ته راپورته کېږي چې خلک له ستونزو سره مخ کوي.
جوزجان کې یو شمېر کڼې نجونې چې د زدهکړې او حرفې په یو کلن روزنیز پروګرام کې پر زدهکړو بوختې دي، له اسلامي امارته غواړي چې لا ډېرو زدهکړو زمینه ورته برابره کړي څو پرمختګ وکړي او پر ځان بسیا شي.
د لغمان د کډوالو او راستنېدونکو چارو ریاست مسوولین وایي، دغه ولایت کې له کډوالۍ تازه راستنو شوو نږدې دوه سوو کسانو ته د اوږدمهاله کاروبار زمینه برابره شوې ده.
بغلان کې د افغاني سرې میاشتې ټولنې مسوولین وایي، دغه ولایت کې یې لسګونو ثبت شوو مستحقو سوالګرو ته د بانکي حسابونو جوړولو لړۍ پیل کړې ده.
د لغمان د اطلاعاتو او کلتور ریاست وایي، نن د دغه ولایت د یوه لیکوال او شاعر شهزاده شرینزوی د پنځه عنوانه نویو چاپ شوو کتابونو مخکتنه وشوه.
د بلخ والي د یو شمېر ټرانسپورتي شرکتونو له مسوولینو سره په ناسته کې ویلي، له دې وروسته به امنیتي کسان د موټرو د تېز تګ مخنیوی کوي او هغه موټرچلوونکي چې تېز تګ کوي، محکمې ته معرفي کېږي.
د بغلان د اطلاعاتو او فرهنګ ریاست مسوولین وايي، سر له ننه یې د دغه ولایت په مرکز پلخمري ښار کې د هټیو او سوداګریزو مارکېټونو پر لیکدړو (لوحو) په بهرنیو ژبو د لیکل شوو کلیمو د اصلاح کولو لړۍ پیل کړې ده.
د ملګرو ملتونو د خوړو نړۍوال پرواګرام ویلي چې پّ تېرو نهو میاشتو کې یې په افغانستان کې له ۲۶۰ زره کسانو سره مرسته کړې ده.
د زرنج ښار اوسېدونکې یوولس کلنه نازګل چې دوه کاله مخکې له خپله او اووه کلنه خور یې د روږدي پلار له لوري واده ته اړې شوې وايي، خپله له تاوتریخوالي سره مخ ده خو په دې دوو کلونو کې له خپلې خور هیڅ احوال نه لري چې مړه ده که ژوندۍ.
د کندوز ولايت په ګلتپه ولسوالۍ کې د دوو کورنيو ترمنځ دښمني چې يو کس پکې وژل شوى و، د قومي مشرانو او ديني عالمانو په منځګړیتوب پاى ته ورسېده.
سیمهییز مسوولین وایي، په لوګر کې له څه باندې ۱۲۰۰ کورنیو سره د خوراکي توکو او پنجشیر کې له ۶۹۰ کورنیو سره د نغدو پیسو مرسته شوې او په فراه کې څه باندې دوه زره کورنیو ته د نغدي مرستو د وېشلو لړۍ پیل شوه.
د هند بهرنیو چارو وزارت ویاند رنډیر جیسوال ویلي چې دغه هېواد د افغانستان وګړو ته د ویزو ورکولو بهیر بېرته پیلوي.
د بشري حقونو د څار سازمان یو ځل بیا په داسې حال کې په افغانستان کې پر ښځو د لګول شوو محدودیتونو لرې کېدو غوښتنه کړې چې ا.ا په وار وار ویلي، په هېواد کې د شریعت په چوکاټ کې د ټولو حقونه خوندي دي.
د دایکنډي د عامې روغتیا مسوولین وايي چې دغه ولایت کې یوې مور په یو ځل پنځه ماشومان زیږولي خو دوه یې مړه شوي دي.
