دایکنډي کې یو شمېر ځوانان وايي چې په ډېرو ستونزو د ژوند لومړنۍ اړتیاوې پوره کوي چې په لوړو لګښتونو سره د واده رسم او رواجونو یادې ستونزې ډېرې کړې او له امله یې ځوانان په کلونو کلونو نه شي کولی واده وکړي.
د ننګرهار د شهيدانو او معلولينو رياست مسوولين وايي، روان کال د دې ادارې له لوري ۷۰۵۶ د شهیدانو او ۷۷۱۹ د معلولينو کورنيو ته مياشتني حقوق ورکول شوي دي.
په بلخ کې یو شمېر معلولین وايي چې دوی د ټولنې تر ټولو اړمن خلک دي او نړۍواله ټولنه په ځانګړې توګه د خوړو نړۍوال پروګرام دې ورسره مرسته وکړي.
د ایران د اوبو صنعت ادارې یو ځل بیا ویلي چې دغه هېواد د هلمند له اوبو خپله «حقابه» نه ده ترلاسه کړې او باید مقابل لوری معاهدې ته غاړه کېږدي، خو ا.ا ټينګار کړی چې ټولو مخکنیو تعهداتو ته ژمن دی.
د ننګرهار ولایت په سرهرود ولسوالۍ کې د ځايي مسوولینو، دیني علماوو او قومي مشرانو په منځګړیتوب د دوو کورنیو ترمنځ ۳۸ کلنه دښمني پای ته ورسېده.
د بامیان د مرکز یو شمېر اوسېدونکي په داسې حال کې له ناسمو دودونو او په ودونو او نورو مراسمو کې د لوړو لګښتونو له کېدو شکایت لري چې تازه د دغه ولایت قومي مشرانو په ټولنه کې د دغه کار مخنیوي او لوړو لګښتونو کمولو په اړه هوکړه کړې ده.
د بلخ مرکز مزارشریف ښار کې رېکشاوو ته د لومړي ځل لپاره د اسنادو ورکولو بهیر پیل شو چې په ترڅ کې به یې پنځه زره رېکشاوو ته پلېټ ورکړل شي.
د ننګرهار د کليو پراختیا او بيارغونې رياست له لوري د دغه ولايت په شپږو ولسواليو کې د ۸۰ زره ډالرو په لګښت د څښاک اوبو ۳۰ څاګانې ایستل شوې دي.
هلمند کې یو شمېر کوچیان که څه هم وروستیو ورښتونو هلیهمن کړي خو وايي چې په دغه ولایت کې دښتي ځمکې د ځايي خلکو له خوا نیول شوې او اوس څارویو ته څرځایونه نه لري.
د فراه د کلیو بیارغونې او پراختیا ریاست وایي چې په دغه ولایت کې له ۱۵۳۳ کورنیو سره د خوراکي توکو مرسته وشوه.
فراه کې امنیتي مسوولین وايي چې په دغه ولایت کې یې یو ځل بیا پر نشهیي توکو د روږدو کسانو ټولولو کمپاین پيل کړی دی.
د خوړو نړۍوال پروګرام له افغانستان سره د مرستو پر کمېدو اندېښنه څرګنده کړې او ویلي یې دي چې دې چارې په دغه هېواد کې وضعیت نور هم خراب کړی دی.
د کابل ښار ځیني اوسېدونکي د برېښنا له پرچاویو سره د برېښنا بېلونو له لوړېدو شکایت کوي او اړوند ریاست د پرچاوۍ ستونزه مني، وایي هغه کسان دې مراجعه ورته وکړي چې د بېلونو له لوړوالي شکایت لري.
پروان، لوګر، ننګرهار، بلخ او کندهار ولایتونو کې له څلور زره او ۷۲ بېوزلو کورنیو او کروندګرو سره، نغدي او د خوراکي او کرنیزو توکو مرستې شوې دي.
د لوګر پوهنې ریاست وايي چې د دغه ولایت خلکو سږ کال د پوهنې بهیر پرمختګ او ستونزو هواري په موخه لس میلیون افغانۍ مرسته ورسره کړې ده.
د سرحدونو او قبایلو چارو وزارت وایي، د ا.ا له بیا واکمنېدو راوروسته د دغه وزارت له لوري د علماوو او مشرانو په مرسته ۱۲۷۱ هغه شخړې حل شوې چې له امله یې ۱۰۱۴ کسانو ته مرګژوبله اوښتې وه.
د ملګرو ملتونو د خوړو نړۍوال پروګرام اعلان کړی چې په تېره یوه میاشت کې یې افغانستان کې نږدې له ۷،۹ میلیون کسانو سره د خوراکي توکو او نغدو پیسو مرستې کړې دي.
د اروزګان په چورې ولسوالۍ کې د ځايي مسوولینو او دیني عالمانو په منځګړیتوب د دوو کورنیو ترمنځ ۱۲ کلنه دښمني پای ته ورسېده.
د ریاستالوزراء د سیاسي معینیت دفتر وایي چې د سره صلیب نړۍوالې کمېټې د برنامو رییسې له مولوي عبدالکبیر سره په لیدنه کې ویلي، له هغو کورنیو سره خپلو مرستو ته دوام ورکوي چې سړي یې په جنګونو کې وژل شوي وي.
په افغانستان کې د سره صلیب نړۍوالې کمېټې مشرې د بهرنیو چارو وزارت له سیاسي مرستیال سره په لیدنه کې ویلي چې له افغان حکومت سره په همغږۍ یې د ظرفیت لوړونې او روزنې برخو کې د یو لړ پروژو چارې روانې دي.
د کابل امنیه قوماندانۍ وایي، د ورور له ۲۵ کلن زندان څخه ژغورل شوې مېرمن نېکبخته د ورپېښې ناروغۍ له امله مړه شوه.
د خوړو نړۍوال پروګرام وايي چې راتلونکو شپږو میاشتو لپاره په افغانستان کې د خوراکي مرستو او پروګرامونو پلې کولو لپاره په بېړني ډول ۷۶۰ میلیون ډالرو ته اړتیا لري.
ننګرهار کې د سرې مياشتې ټولنې لسګونو بېسرپرسته کورنيو ته اوزې ووېشلې او د ځینو نورو وسایلو مرسته یې هم ورسره وکړه.
ځایي مسوولین وایي چې لوګر، پروان او بامیانو کې له څه باندې ۴۵۰۰ کورنیو سره د خوراکي توکو او نقدې مرستې وشوې او په هلمند کې ۷۶۸ کروندګرو ته د غنمو اصلاح شوي تخم او کیمیاوې سرې د وېش لړۍ پیل شوه.
