د کونړ د اطلاعاتو او فرهنګ ریاست مسوولین وایي، په دغه ولایت کې مطالعې ته د ځوانانو هڅونې په موخه د ازادو سیالیو او فکري روزنې پروګرامونو جوړېدل د دې لامل شوي چې عامه کتابتونونو ته د تېر کال په پرتله د ځوانانو ورتګ ډېر شي.
کابل کې د جاپان سفیر وایي، هېواد یې د افغانستان د تاریخي اثارو ساتنې لپاره کار پیل کړی او ډېر ژر به جاپاني لرغونپوهان او متخصصین افغانستان ته راشي.
د افغانستان د احصايې او معلوماتو ملي اداره وایي چې د تېرې میاشتې په اوږدو کې یې د هوايي ډګرونو او ځمکنيو بندرونو له لارې هېواد ته د درې زره او ۳۴۴ بهرنیو وګړو تګ راتګ ثبت کړی دی.
سیمهییز مسوولین وایي، په اروزګان او ننګرهار کې له څه باندې درې زره کورنیو سره د خوراکي، په لغمان کې له دوه سوه کورنیو نقدي او په کونړ کې له ۴۵۰ کورنیو سره د ژمنیو توکو مرستې وشوې.
د پکتیا د ګردې څېړۍ، شواک او وزيځدراڼ ولسوالیو اوسېدونکي شکایت کوي چې په سیمو کې یې د برېښنايي پېژندپاڼو د وېش مرکزونو نشتوالي له امله اړ دي د تذکرو اخیستو لپاره څو ځلې ګردېز ته ولاړ شي.
د ننګرهار ولایت په کوټ ولسوالۍ کې د دوو کورنیو ترمنځ شل کلنه دښمني په دوستۍ بدله شوه.
د هلمند ولایت شهیدانو او معلولینو چارو ریاست په هڅو د امه خیریه بنسټ له لوري د مرکز لښکرګاه په ګډون په ناوې، مارجې، نادعلي، ګرشک او نهرسراج ولسوالیو کې له ۵۰۰ مستحقو معلولینو، یتیمانو او کونډو سره مرسته وشوه.
سیمهییز مسوولین وایي، په هلمند کې له څه باندې زرو کورنیو سره د څارویو خوراکي توکو او ۱۲۰ کروندګرو سره د غنمو اصلاح شوي تخم او کیمیاوي سرې مرسته وشوه.
د افغانستان لپاره د امریکا متحده ایالتونو ځانګړی استازی وايي، د دوحې په ناسته کې پر اقتصادي او سیاسي اړتیاوو، د بشري حقونو د درناوي پر اهمیت او له افغانانو سره د اړیکو د دوام پر اړتیا خبرې شوې او په افغانستان کې د ګډو ګټو په اړه اجماع موجود ده.
افغانستان کې د ملګرو ملتونو استازولۍ وایي چې د هرات زلزلهځپلو ته ۲۶۹ میلیون ډالره زیان اوښتی او د هغوی د اساسي اړتیاوو پوره کولو لپاره ۴۰۲.۹ میلیون ډالرو بودجې ته اړتیا ده.
د غزني ټولګټو ریاست وايي، د دغه ولایت د مالستان، اجرستان او ناهور ولسوالیو لارې چې دوه اونۍ مخکې د واورې اورېدو او ښویېدو له امله تړل شوې، بېرته د ترافیکو پر مخ پرانیستل شوې.
بلخ ولایت کې یو شمېر داخلي بېځایه شوې کورنۍ وايي، د ژوند لومړنیو اسانتیاوو ته لاسرسی نه لري چې له امله یې له ګڼو ستونزو سره مخ دي او زیاتوي چې حکومت دې د دوی ستونزو ته رسېدنه وکړي.
د لوګر د شهیدانو او معلولینو چارو ریاست وايي چې شاوخوا ۲۰۴۱ معلولین او د شهیدانو ورثه کورنۍ خیالي تثبیت شوي او د حقوقو له لېسته یې ایستلي دي.
ځینې کونډې په داسې حال کې د ژوند له ناخوالو او اقتصادي ستونزو سرټکوي چې د دیني عالمانو په وینا، د ټولنې ټول وګړي او حکومت د بېوزلو د لاسنیوي مسوولیت لري او حکومت بیا وایي چې له کوڼدو سره د مرستو لړۍ روانه ده.
د ننګرهار ولایت د کليو بیارغونې او پراختيا ریاست وايي، د دغه ولايت په روداتو ولسوالۍ کې يې له څه باندې ۱۵۰۰ اړمنو کورنيو سره د خوراکي توکو مرسته وکړه.
د هلمند د کرنې، اوبو لګولو او مالدارۍ ریاست د دغه ولایت په ګرمسېر او نهرسراج ولسوالیو کې له ۷۵۴ کروندګرو سره د کرنیزو تخمونو او توکو مرسته کړې ده.
د ریاستالوزراء سیاسي مرستیال وايي، کابل کې د څښاک اوبو کمښت یوه جدي او د اندېښنې وړ موضوع ده او اسلامي امارت یې د حل لپاره هڅې پیل کړې دي.
د لوګر د کلیو پراختیا او بیارغونې ریاست وایي چې د خوړو نړۍوال پروګرام له لوري په مرکز پلعلم، خروار او محمداغې ولسوالیو کې شاوخوا ۷ سوه کسانو ته د کار زمینه برابره شوه.
نیمروز کې د دوو کورنیو ترمنځ درې کلنه دښمني چې له امله یې د دواړو لورو دوه کسان هم وژل شوي، د ځايي مسوولینو، مخورو او دیني علماوو په منځګړيتوب پای ته ورسېده.
د ننګرهار د اچين او سپينغر ولسواليو اوسېدونکي وايي چې په دې ولسوالیو کې څو کاله د پخواني حکومت او داعش وسلهوالو ترمنځ جګړې تېرې شوې چې له امله یې سختې زیانمنې شوې او له حکومته غوښتنه کوي چې بیارغونې ته یې پاملرنه وکړي.
د کندهار ولایت مقام د یوه مکتوب په صادرولو سره د دغه ولایت له ټولو ملکي او نظامي مسوولینو غوښتي چې په خپلو رسمي او غیررسمي ناستو کې د «ذيروح له تصویر اخیستلو او عکاسي کولو» ډډه وکړي.
د اروزګان د ګیزاب ولسوالۍ د شېرو سیمې یو شمېر اوسېدونکي شکایت کوي چې په سیمه کې یې مخابراتي خدمات نه شته او د یوې اړیکې لپاره اړ دي بلې سیمې ته ساعتونه مزل وکړي.
د ننګرهار ولایت کامې ولسوالۍ کې د مسئولينو، قومي مشرانو او علماوو په منځګړيتوب د دوو کورنیو ترمنځ دولس کلنه دښمني په دوستۍ بدله شوه.
پنجشیر کې سیمهییزې سرچینې وايي، د دغه ولایت په حصه اول ولسوالۍ کې د قومي مشرانو او مسوولینو په منځګړیتوب د دوو کورنیو تر منځ درې کلنه دښمني پای ته ورسېده.
