د فاریاب ځيني اوسېدونکي او مسوولین وایي، نږدې شپږ کاله کېږي چې د میمنې ښار ۳۳ کیلومتره سړکونو جوړولو پروژې د قرارداد تېریږي، خو قراردادي شرکت د دې پروژې کارونه تر اوسه نه دي بشپړ کړي.
د ډیورنډ پر پوله د تورخم دروازه له تېرو اوو راهیسې د سوداګرو او ناروغانو پر مخ تړلې ده او پاکستان لا هم د تګ راتګ لپاره د ویزې او پاسپورټ پر لرلو ټینګار کوي.
د ننګرهار د کليو بیارغونې او پراختيا رياست وايي، د دغه ولایت په کوز کونړ ولسوالۍ کې د خوړو نړۍوال پروګرام (WFP) له لوري د خوراکي توکو په بدل کې ۶۹۵ کسانو ته د لنډمهاله کار زمينه برابره شوه.
افغانستان کې د ملګرو ملتونو د بشري او پرمختیایي چارو نوي مسؤول د بهرنیو چارو له سرپرست سره په لیدنه کې ویلي چې هوډ لري په بشري او پرمختيايي ډګر کې د افغانانو د لاسنيوي لپاره لا ډېر کار وکړي.
د اروزګان یو شمېر اوسېدونکي په دغه ولایت کې د لېوني سپیانو پر ډېرېدو اندېښنه څرګندوي او له حکومته غواړي چې د له منځه وړو لپاره یې اقدام وکړي.
د بلخ د مرکز مزارشریف ښار اوسېدونکي د ښار هوا له ډېرې ککړتیا شکایت کوي او له حکومته غواړي چې د مخنیوي لپاره یې اقدام وکړي.
ننګرهار ولايت کې چارواکي وايي چې د تورخم دروازه د درېیمې ورځې لپاره هم د ترانزیټ او ناروغانو پر مخ تړلې ده او دواړو خواوو ته ګڼ شمېر باروړونکي موټر او ناروغان د تګ راتګ انتظار کوي.
سیمهییز مسوولین وایي، د ملګرو ملتونو د خوړو نړۍوال پروګرام له لوري په اروزګان او ننګرهار کې له څه باندې ۳۲۰۰ کورنیو سره مرسته شوه.
د ننګرهار ولايت چارواکي وايي، د تورخم دروازه د دویمې ورځې لپاره هم د سوداګرۍ او ناروغانو پرمخ تړلې وه.
ننګرهار کې د ۱۴۳ میلیون افغانۍ په لګښت د لمریزې برېښنا یوه شبکه ګټې اخیستنې ته وسپارل شوه او د هلمند په ګرشک کې د ۴۵ زره امریکایي ډالرو په لګښت د یوه جومات جوړولو چارې پیل شوې.
د ننګرهار د کار او ټولنیزو چارو ریاست وایي چې په دغه ولایت کې له څه باندې ۸۵۰ کورنیو سره د خوارکي توکو مرسته وشوه.
د بهر مېشتو ځوانانو د نړېوالې شورا لخوا د ځوانانو په نړېوال کنفرانس کې له اسلامي امارته وغوښتل چې د ځوانانو ستونزې هوارې او ورته د کار زمینه برابره کړي. دغه نړۍوال کنفرانس چې د…
د بادغیس ځيني اوسېدونکو د ځمکې لاندې اوبو کمېدو له امله اندېښنه ښودلې او له حکومته غواړي چې د ځمکې لاندې اوبو تقویې لپاره عملي اقدمات وکړي.
د کابل ښار ځیني اوسېدونکي وايي، له دوو کلونو راهیسې د اوبو له کمښت سره مخ دي او خپلې د اړتیا وړ څښاک اوبه له لرو ځایونو راوړي چې مسوولین باید دې برخې ته جدي پاملرنه وکړي.
بدخشان کې ځايي مسوولین وايي، د ځایي مسوولینو او قومي مخورو په منځګړیتوب د دغه ولایت په کشم ولسوالۍ کې د دوو کورنیو ترمنځ شلکلنه دښمني پای ته ورسېده.
د هلمند د مارجې ولسوالۍ خلک وايي، د وچکالۍ له امله یې فصلونه او ۵۰ کلن باغونه وچ شوي او که دغه حالت دوام وکړي اړ دي نورو سیمو ته کډې وکړي.
د خوړو نړۍوال پروګرام ویلي، هند تېر یونیم کال کې له افغانستان سره د ۵۰ زره متریک ټنه غنمو مرسته کړې او له دې لارې یې په ۲۰۲۳ کال کې له څه باندې یو میلیون او په ۲۰۲۲ کال کې له ۴،۷ میلیون کسانو سره مرسته کړې ده.
د ملګرو ملتونو پراختیایي اداره وايي، د افغانستان ۸۵ سلنه خلک د ورځې له یو امریکایي ډالر په کمو پیسو ژوند تېروي او له ۲۰۲۰ کال راهیسې د افغانستان ناخالص کورني تولیدات ۲۹ سلنه کم شوي.
د ننګرهار د کار او ټولنيزو چارو رياست او په دغه ولايت کې د خښتو بټيو مالکان وايي چې په بټیو کې د پخوا په پرتله د کارګرو ماشومانو شمېر کم شوی دی.
د سالنګ لویې لارې د باروړونکو موټرو یو شمېر چلوونکي وايي چې د «سالنګ ټولپلازا» محصول راټولولو چارو بېنظمي رامنځته کړې او حکومت دې په دې برخه کې اسانتیاوې رامنځته کړي.
سیمهییز مسوولین وایي چې په لوګر، دایکنډي او فاریاب ولایتونو کې له اته زره کورنیو سره خوراکي او غیرخوراکي توکي او د نغدو پیسو مرستې وشوې او په غزني کې ۲۸۱۰ کورنیو ته د نغدې مرستو د وېش لړۍ پیل شوه.
د پاسپورټ عمومي ریاست د کاغذي غوښتنلیکونو له لارې په کابل کې د پاسپورټونو وېشلو لړۍ پیل کړه او وایي چې خلک له دې لارې کولای شي په یوه اونۍ کې پاسپورټ ترلاسه کړي.
سیمهییز مسوولین وایي، په کونړ او فراه ولایتونو کې له ۷۰۰ کورنیو سره د خوراکي او غیرخوراکي توکو او په بامیان کې له ۱۵۰۰ کورنیو سره نغدي مرستې وشوې.
د ترافیک پولیسو لوی ریاست وایي چې د ټکسي موټرو نوي رنګ پروسه په عادي ډول روانه ده او د بندېدو اوازې یې حقیقت نه لري.
