ښځې

بامیان کې مسوولین وايي چې د دغه ولایت په مرکز کې د ۵۶ میلیون افغانیو په لګښت د ښځو یو ځانګړی سوداګریز، فرهنګي او تفریحي مرکز ګټې اخیستنې ته وسپارل شو.

جوزجان کې یوې مېرمنې چې د خیاطي کارګاه جوړولو له لارې یې لسګونه ښځو ته د کار زمینه برابر کړې، له کورنیو وغوښتل چې د خپلو لوڼو د وړتیاوو پر وړاندې خنډ ونه ګرځي.

بلخ کې د ۲۲۵ زره امریکايي ډالرو په لګښت د ښځو اړوند ۱۵ بېلابېلو کارخونو ته د لمریزې برېښنا سیسټم جوړ شو.

د بامیان ځايي مسوولین په دغه ولایت کې د لاسي صنایعو له تولید او پلور سره د ښځو لېوالتیا له ډېرېدو خبر ورکوي، خو سوداګرې ښځې وايي چې اړوند بنسټونه دې د پلور او بازارموندنې برخه کې ورسره مرسته وکړي.

افغانستان لپاره د ملګرو ملتونو د عمومي منشي ځانګړې استازې او د یوناما مشرې روزا اوتنبایوا، یو ځل بیا د افغانستان  دسرپرست حکومت لخوا پر افغان نجونو او ښځو باندې له شپږم ټولګي پورته زده کړو په بندیز اندیښنه ښودلې ده.

د بلخ مرکز مزارشریف ښار کې یو شمېر کارګرې ښځې د کار او مزد له کموالي شکایت کوي او له حکومته په دایمي توګه د کاري فرصتونو برابرولو غوښتنه کوي.

د بلخ مرکز مزارشریف ښار کې د ټیکا موسسې له لوري یو شمېر معلولو ښځو او د شهیدانو وارثینو ته د خیاطۍ د زده‌کړې یو مرکز پرانیستل شو.

تعلیمي او تحصیلي مرکزونو ته د نجونو پر تګ له بندیز وروسته د نجونو د زده‌کړو لپاره د انلاین کورسونو جوړېدل مخ په زیاتېدو دي، خو شنونکي د دغه ډول پرګرامونو جوړېدل ګټور نه بولي او وايي، انلاین زده‌کړې د حضوري زده‌کړو بدیل نه شي کېدای.

ښځې د انساني ټولنې نیمه برخه جوړوي او په اسلام کې هم د عزت او درناوي وړ دي، خو سره له دې ځیني کسان د لور پر زېږون خپه کېږي او ان تر دې چې له امله یې د لور مور ځوروي، طلاق کوي او وژني یې. 

د بدخشان په اشکاشم ولسوالۍ کې یو شمېر سوداګرې وايي، که څه ‌هم چې د ملي او نړۍوالو موسسو له لوري هیڅ ډول مرسته نه ده ورسره شوې، خو له تاجکستان سره پر پوله د دې ولسوالۍ د ګډ بازارګي پرانیستو یې د لاسي صنایعو بازار غوړولی دی.

. . .

تالقان (پژواک، ۲ تله ۱۴۰۲): تخار کې یو شمېر صنعت‌ګرې ښځې د اندښنې په څرګندولو وايي چې مخکې یي د خپلو لاسي صنایعو پلور لپاره