رقیبه پویاعزیز

جوزجان کې یو شمېر مالداران خوښ دي چې سږ کال ورښتونه ډېر او څرځایونه د تېر کال په پرتله شنه دي، خو له کرنې ریاسته غواړي چې د حیواني ناروغیو مخنیوي په موخه دې د دوی څاروي واکسین کړي.

د جوزجان پوهنې ریاست خبر وايي چې په دغه ولایت کې تېر کال خلکو پوهنې ریاست ته یوولس جریبه ځمکه وقف کړې او له سوداګرو او خلکو غواړي چې د ښوونځیو ودانیو جوړولو برخه کې همکاري وکړي.

یو جوزجانی ځوان چې د شاتو مچیو فارمونو کې یې له اته کاله کار کولو وروسته اوس په خپله پانګه د مچیو فارم جوړ کړی، له نورو بې‌کاره ځوانانو غواړي چې همت او کار وکړي، خامخا بریالي کېږي.

جوزجان کې یوه امنیتي سرچینه وايي، د سخت ورښت او توپان له امله د دغه ولایت په خواجه‌دوکوه ولسوالۍ کې د برېښنا یوه پایه چپه شوې چې یو کس ترې لاندې شوی او مړ شوی دی.

جوزجان کې ځایي سرچینې وایي، دغه ولایت کې څه باندې ۲۲۰ ښځو ته چې له شپږ میاشتنيو حرفوي زده‌کړو فارغې شوې، د کار وسایل ورکړل شول.

د جوزجان ځایي مسوولین په داسې حال کې د لسګونو سوالګرو د ثبت او بایومتریک خبر ورکوي چې ځيني سوالګر دا عمل د مجبوریت له مخې بولي او وایي، که مرستې ورسره وشي، سوالګري نه کوي.

د شبرغان ښار ځيني اوسېدونکي په داسې حال کې د خوراکي توکو او وچو مېوو له لوړو بیو شکایت کوي چې د دغه ښار ښاروالۍ د خوراکي توکو د بیو کنټرول په موخه د یوې کمېټې د جوړېدو خبر ورکوي.