عبدالله عزیزي

د مکسیکو په سوېل تاباسکو ایالت کې د یوه مسافروړونکي بس د ټکر له امله ۴۱ کسانو ژوند له لاسه ورکړی دی.

امریکایي رسنیو راپور ورکړی چې د امریکا متحده ایالتونو په الاسکای ایالت کې د یوې وړې مسافروړونکې الوتکې لوېدو له امله لس کسان مړه شوي دي.

نړۍوالو رسنیو راپور ورکړی چې د حماس او اسرائیل ترمنځ د بندیانو د تبادلې په پنځم پړاو کې ۱۸۳ فلسطینیان او درې اسرائیلیان خوشي کېږي.

تهران کې د اسلامي امارت سرپرست سفیر د ایران د کورنیو چارو وزارت د اتباعو او بهرنیو کډوالو چارو د مرکز له رییس سره په لیدنه کې د افغان کډوالو د ستونزو او د هغو د حل‌لارو په اړه خبرې کړې دي.

د جرمني پارلمان د کډوالۍ قوانینو د لا سختولو لپاره د دوو محافظه‌کاره ډیموکراټ‌مسیحي او سوسیال‌مسیحي ګوندونو له لورو وړاندیز شوې طرحه رد کړه.

د هیئت تحریر شام ډلې مشر احمد شرع د انتقالې دورې لپاره د سوریې د حکومت د مشر په توګه ټاکل شوی دی.

د راپورونو له مخې، د امریکا د ولسمشر له خوا به د دغه هېواد د داخلي امنیت او دفاع وزارتونو ته سپارښتنه وشي څو د ګوانټانامو په زندان کې ۳۰ زره ناقانونه کډوالو ته توقیف‌ځای جوړ کړي.

د امریکا متحده ایالتونو د مرستو د درې میاشتني ځنډ له اعلان وروسته د دغه هېواد د بهرنیو چارو وزیر د حیاتي بشري مرستو لپاره د معافیت امر صادر کړی دی.

هندي چارواکو ویلي چې په دغه هېواد کې د «ماها کومب» په نوم لوی جشن کې د خلکو د ډېرې ګڼې‌ګوڼې له امله اووه کسان مړه او ۱۰ نور ټپیان شوي دي.

د ملګرو ملتونو سرمنشي انټونیو ګوټریش د امریکا د بهرنیو مرستو پر ځنډېدو اندېښنه ښودلې او له دغه هېواده یې غوښتي څو خپلو بشري مرستو ته چې د نړۍ زیان‌منونکي پر دغو مرستو متکي دي، دوام ورکړي.

د ملګرو ملتونو د خوړو او کرنې ادارې ویلي چې په افغانستان کې د ځنګلونو تخریب لا هم یوه جدي ننګونه ده او دغه کار چاپېریال ته د پام وړ زیان رسولی دی.

نړۍوالو رسنیو راپور ورکړی چې په نایجریا کې د یوه مرګوني ځانمرګي برید له امله د دغه هېواد ۲۷ سرتېرو ژوند له لاسه ورکړی دی.