قضافي مل

د کونړ ولایت په څوکۍ ولسوالۍ کې د څه باندې ۱۱ میلیون افغانیو په لګښت یوه لومړني ښوونځي ته ودانۍ جوړه او ګټې اخیستنې ته وسپارل شوه.

د کونړ د یو شمېر لرې‌پرتو سیمو اوسېدونکي شکایت کوي چې د منځنیو ښوونځیو او لېسو کمښت له امله یې د ماشومانو زده‌کړې نیمګړې پاتې کېږي.

سیمه‌ییز مسوولین وایي، د کونړ ولایت په دانګام ولسوالۍ کې د څه باندې ۱۸ میلیون افغانیو په لګښټ یو پل جوړ او ګټې اخیستنې ته وسپارل شو.

د کونړ په غازي‌اباد ولسوالۍ کې نن د خوړو نړۍوال پروګرام (WFP) په مالي مرسته د پنځه کلیومترو په اوږدوالي د یوه کرنیز کانال د جوړېدو چارې پيل شوې چې د درېیو میاشتو په موده کې به بشپړې شي.

کونړ ولایت کې د قیمتي ډبرو یو شمېر سوداګر وايي چې حکومت دې بهرنیو هېوادونو ته د قیمتي ډبرو صادرولو قانوني اجازه ورکړي.  

د کونړ امنیتي مسوولین وایي چې د دغه ولایت په چپې درې ولسوالۍ کې یې د ۱۵۰ جوړو چهارتراش لرګیو د قاچاق مخه نیولې ده.

د کونړ د عامې روغتیا ریاست وایي، په دغه ولایت کې د یوې موسسې په همکارۍ د شاوخوا ۴۰۰ کسانو د سترګو وړیا درملنه پیل شوه.

د کونړ د کانونو او پټرولیم ریاست وايي، چې په دغه ولایت کې د ٩٢،٥ ميليونه افغانیو په ارزښت ١٢،٩١١ کیلوګرامه د بېروج ګران‌بیه ډبرې د ازادې سیالۍ له لارې وپلورل شوې.

د کونړ د عامې روغتیا ریاست مسوولین وایي چې په تېرو درېیو کلونو کې یې د دغه ولایت په بېلابېلو ولسوالیو کې د ۱۰۳ میلیون افغانیو په لګښت پنځو روغتیایي مرکزونو ته نوې معیاري ودانۍ جوړې کړې دي.

د کونړ د مرکز اسعداباد ولایتي روغتون کې یوې مور د سزارین سیکشن بریالي عملیاتو له لارې څلور غبرګوني ماشومان زېږولي، خو د دغو ماشومانو پلار وایي، اقتصادي وضعیت یې خراب دی او باید مرسته ورسره وشي.

سیمه‌ییز مسوولین وایي، د کونړ ولایت په سرکاڼو او نورګل ولسوالیو کې د ۶۳ میلیون افغانیو په لګښت د دوو نړېدلو پلونو د بیارغونې چارې پیل شوې.

سیمه‌ییز مسوولین وایي، د کونړ په مرکز اسعداباد ښار کې د قیمتي او نیمه‌قیمتي ډبرو د پلور مرکز پرانېستل شو او په لومړي ځل پکې د ۱۴ میلیونه افغانیو په ارزښت بیروج د بولۍ له لارې وپلورل شول.