افغان کډوالو

د کندهار سپين‌بولدک ولسوالۍ مسوولین وايي، له هغه وخته چې له پاکستانه د افغان کډوالو ایستل پيل شوي، تر اوسه له دې لارې نږدې ۸۰ زره کډوال راستانه شوي دي.

د بښنې نړۍ‌وال سازمان ویلي چې پاکستان دې ژر تر ژره د افغان کډوالو په لویه کجه ایستل او ځورول ودروي.

کونړ او فراه کې مسوولین وايي، په دغو ولایتونو کې له پاکستانه تازه راستنو شوو افغان کډوالو لپاره کمپونه جوړ شوي دي.

د افغانستان بهرنیو چارو وزارت له پاکستانه د افغان کډوالو جبري ایستل غندلي او په دې اړه یې د دغه هېواد پرېکړه غیرعادلانه بللې ده.

افغان او چیني چارواکو د دواړو هېوادونو ترمنځ د ډیپلوماتیکو اړیکو پر لا پیاوړتیا خبرې کړې او دغه راز چین له راستنېدونکو افغان کډوالو سره مرستو ته چمتووالی ښودلی دی. 

د پاکستان بشري حقونو کمېسیو ویلي چې د دغه هېواد په بلوچستان، سند او خیبر پښتونخوا کې له افغان کډوالو سره د پاکستان حکومت ناوړه چلند وېرولي او له دغه هېواده یې غوښتي څو له دغو کډوالو سره ناسم چلند بس کړي.

د بلخ په مرکز مزارشریف ښار کې له پاکستانه راستنېدونکو افغان کډوالو سره د مرستې راټولولو کمپاین پیل شو.

د کندهار ولایت د سپين‌بولدک ولسوال وايي، پاکستان د ټولو اسلامي او نړۍوالو اصولو خلاف په زور او ظلم افغان کډوال را وباسي.

د ملګرو ملتونو د امنيت شورا د مرستيال ځانګړي استازي د ننګرهار ولايت اړوند تورخم ښارګوټي کې له پاکستانه د راستنېدونکو کډوالو د وضعيت ليدنې پر مهال له هغوی سره د اوږدمهاله او لنډمهاله مرستو ژمنه وکړه.

د ریاست‌الوزرا د حکم پر اساس، په بهرنیو هېوادونو کې د مېشتو افغان کډوالو د حقونو د دفاع په موخه د حقوق‌پوهانو یوه کمېټه جوړه شوه.

د مخکني حکومت د پخلاینې شورا رییس ډاکټر عبدالله عبدالله له پاکستانه د افغان کډوالو په جبر اېستلو اندېښنه ښودلې او له نړۍوالې ټولنې یې غوښتي چې هغوی ته د مرستو رسولو په برخه کې بېړني اقدامات وکړي.

د افغانستان د احصایې او معلوماتو ملي اداره وایي، تورخم او سپین‌بولدک ته یې په وسایلو سمبال ډلې استولې دي، څو هېواد ته راتلونکي افغان کډوال په منظم ډول ثبت کړي.