جرمونو

د کاپیسا امنیه قومانداني وايي، په تېر یوه کال کې یې په دغه ولایت کې ۳۸۹ قضیو ته رسېدنه کړې، د نشه‌یي توکو ۱۱۱ جریب کښتونه یې له منځه وړي، ۵۵۰ روږدي یې روغتونونو ته معرفي کړي او دغه راز ۱۱۱ میلیون افغانۍ عواید یې هم راټول کړي دي.

اتریش له جرمني وروسته دویم اروپايي هېواد دی چې وايي، هغه افغانان به بېرته افغانستان ته واستوي چې په هغه هېواد کې یې جرم کړی او محکوم شوي وي.

په څلورو ولایتونو کې ۱۶ کسان د بېلابېلو جرمونو په تړاو نیول شوي، ۳۲ پر نشه‌یي توکو روږدي له درملنې وروسته خپلو کورنیو ته سپارل شوي او ۸۴ نور روږدي د درملنې په موخه راټول کړای شوي دي.

د پکتیا امنیتي مسوولین وايي چې په دغه ولایت کې تېر یو کال کې ۵۶۲ کسان د قتل، غلا او نورو جرمونو په تړاو نیول شوي دي.

تخار کې امنیتي مسوولین وايي چې په تېرو دوه‌نیمو میاشتو کې په دغه ولایت کې د بېلابېلو جنایي جرمونو او تروریستي فعالیتونو په تور ۲۰۶ کسان نیول شوي دي.

د ننګرهار امنيه قومانداني وايي چې په دغه ولایت کې یې په تېرو لسو مياشتو کې د جنايي، نشه‌يي توکو کاروبار، ترهګرۍ او نورو جرمونو په تور د ۳۶ ښځو په ګډون ۱۴۴۷ کسان نيولي دي.

کندهار کې مسوولین وايي، د دغه ولایت په سپین‌بولدک ولسوالۍ کې اته کسان چې د بېلابېلو جرمونو په تور نیول شوي وو، د لومړۍ محکمې له خوا پر سزا محکوم شوې دي.

امنیتي ځواکونو، کابل کې دوه تنه د امنیتي کسانو له نومه د استفادې، درې کسان د غلا او د دوو ښځو په ګډون پنځه کسان له یو صرافه په دوکه د ۲۰ زره ډالرو غوښتنې په تور نیولي دي.

د ننګرهار امنيه قوماندانۍ وايي، تېره يوه مياشت کې د دغه ولايت په مرکز او ولسواليو کې د بېلابېلو جرمونو په تړاو ۱۴۶ کسان نيول شوي دي.

د بلخ امنیتي مسوولین وایي، په تېره یوه اونۍ کې یې لس کسان د بېلابېلو جرمونو په تور نیولي دي.

د کورنیو چارو وزارت وایي، پولیسو په بلخ، کابل، هرات، بغلان، کندوز، غزني او خوست ولایتونو کې د غلا، تښتونې، ناقانونه وسلې ساتلو، دوکه‌بازۍ او اخلاقي فساد په تړاو ۳۸ کسان نیولي دي.

کورنیو چارو وزارت وایي، په مرکز او څلورو ولایتونو کې یې د جرمونو په تړاو ۲۸ کسان نیولي چې له ډلې یې اووه «باغیان» دي او پنځه «د مجاهدینو تښتولو» په تړاو نیول شوي دي.