روغتون

د افغانستان د ملي دفاع وزارت وایي، د کابل سردار محمد داوود خان په ۴۰۰ بستریز روغتون کې د څلورو ماشومانو د سوء شکل هډوکو پېچلي عملیات په بریالیتوب ترسره شول.

د پکتيا په مرکز ګردېز کې د متحده عربي اماراتو د پنځه میلیون امریکايي ډالرو په مالي ملاتړ د یوه روغتون جوړولو چارې پيل شوې.

د ننګرهار د عامې روغتيا رياست وايي چې یوه امریکايي خیریه بنسټ د دغه ولایت له سيمه‌يیز روغتون سره د مور او ماشوم د مړینې مخنيوي په موخه د روغتيايي تجهیزاتو مرسته وکړه.

د ننګرهار عامې روغتيا رياست وايي، په دغه ولايت کې يې د سرطاني ناروغيو د تشخيص او درملنې پر ۵۰ بستريز روغتون کار پيل کړی چې نږدې راتلونکي کې به پرانیستل شي.

د هلمند د مرکز لښکرګاه ښار اړوند احمدشاهي مېنه کې د کډوالۍ نړۍوال سازمان په مالي همکارۍ د یوه روغتون جوړېدو چارې پیل شوې.

د کونړ په څوکۍ ولسوالۍ کې د ملګرو ملتونو د کډوالو عالۍ کمېشنرۍ په مالي مرسته یوه ۳۰ بستریز روغتون لپاره د ودانۍ جوړولو چارې پیل شوې.

د معلولینو نړۍوالې ورځې (د ډسمبر ۳مه) سره همهاله په کابل کې د سره صلیب روغتون رییس وایي چې په افغانستان کې هر کال د سره صلیب نړۍوالې کمېټې په اوو مرکزونو کې له ۱۶ تر ۱۸ زره پورې نوي معلولین ثبتیږي.

په هرات کې د ترکیې د انسجام او همکارۍ دفتر (ټیکا) د هرات حوزوي روغتون له بېړنۍ برخې سره د څو طبي دستګاوو مرسته وکړه.

د اروزګان په ولایتي روغتون کې نن د عامې روغتیا وزارت له لوري د «هیموډیالیز» څانګه پرانیستل شوه او فعالیت یې پیل کړ.

د پکتيا يو شمېر اوسېدونکي وايي چې له څه مودې راهیسې په مرکز ګردېز کې د انتاني ناروغيو د درملنې ۵۰ بستريز روغتون فعالیت درولی چې باید بېرته یې پيل کړي.

د ننګرهار د عامې روغتيا رياست وايي چې د ملګرو ملتونو د ماشوم ساتنې نړۍوال صندق د دغه ولایت حوزوي روغتون د مور او ماشوم درملنې له څانګې سره د ۷۰ زره ډالرو په ارزښت د روغتيايي تجهیزاتو او وسايلو مرسته وکړه.

هرات کې ځايي مسوولین وايي، عربي متحده اماراتو د دغه ولایت له حوزوي روغتون سره د وینې تصفیه کولو (دیالیز) نهو ماشینونو مرسته وکړه.