سیالۍ

په کابل کې د بډمنټون ملي لوبډلې لپاره د لوبغاړو د غوراوي سیالۍ نن پیل شوې چې درې ورځې به دوام وکړي.

د افغانستان کرکټ بورډ وایي چې نن په کندوز ولایت کې د کرکټ اووم پړاو یو ورځنۍ لېسټ اې سیالۍ پیل شوې.

کرکټ بورډ وایي چې د پنځو زونونو لوبډلو ترمنځ د میرویس نیکه جام د کرکټ درې ورځنۍ سیالۍ د بست لوبډلې له خوا د لومړي مقام په خپلولو پای ته ورسېدې.

د کابل کرکټ غوره لیک  شل‌اوریزه سیالیو دویم پړاو نن په کابل کې پیل شو چې اووه ورځې به دوام ولري.

غزني کې مسوولین وايي، د دغه ولایت په مرکز کې د شلو ورزشکارانو ترمنځ د نیزې‌وهنې سیالۍ پيل شوې.

د المپیک ملي کمېټه وایي، کابل کې د ابادۍ جام په نوم د جودو لومړی پړاو سیالۍ چې له ۱۵ ولایتونو ۹۰ ورزشکارانو په‌کې برخه اخیستې وه، نن پای ته ورسېدې.

خوست کې د خوست اتلان ټرافي په نوم د کرکټ شل‌اووريزې سيالۍ پای ته ورسېدې.

افغان کرکټ بورډ وايي، ننګرهار کې یې د پنځو زونونو د لوبډلو ترمنځ د میرویس نیکه جام د کرکټ درې ورځنۍ سیالۍ پیل کړې دي.

د سمنګان ورزشي مسوولین وایي، د والیبال پسرلنۍ سیالۍ چې د دغه ولایت د ۱۶ لوبډلو ترمنځ  پیل شوې وې د «کندهاریانو» لوبډلې په اتلولۍ او د «سرکنده» لوبډلې په نایب‌‌اتلولۍ پای ته ورسېدې.

هلمند کې سیمه‌ییزمسوولین وایي چې د لښکرګاه ښار مرکزي جمنازیوم کې د ۱۷ لوبډلو ترمنځ د والیبال پیل شوې سیالۍ پای ته ورسېدې.

په غزني کې د ۱۲ لوبډلو ترمنځ د کرکټ ۲۰ اووریزې سیالۍ پيل شوې چې یوه میاشت به دوام وکړي.

سیمه‌ییز مسوولین وایي، د بغلان مرکز پلخمري ښار کې د لیسې دورې زده‌کوونکو د ۱۸ لوبډلو ترمنځ د فوټسال سیالۍ پيل شوې.