<p style="text-align: justify;">کابل (پژواک، د کب لومړۍ ۱۴۰۳): د افغانستان د کرکټ ملي لوبډلې په ګډون د اتو لوبډلو ترمنځ د ۲۰۲۵ کال د اتلانو جام «چمپینز ټرافي» سیالۍ نن په پاکستان کې پیلېږي چې ۱۹ ورځې به دوام وکړي.</p>
<p style="text-align: justify;">د ۲۰۲۵ کال د اتلانو جام سیالۍ نن د فبروري په ۱۹مه ماسپښین یوهنیمه بجه د پاکستان د کراچۍ ښار په یوه لوبغالي کې د نیوزلېنډ او کوربه پاکستان د لوبډلو په لوبې پیلېږي.</p>
<p style="text-align: justify;">په دغو سیالیو کې د افغانستان په ګډون د پاکستان، بنګلهدېش، انګلستان، اسټرالیا، سوېلي افریقا، نیوزلېنډ او هند کرکټ لوبډلې برخه لري.</p>
<p style="text-align: justify;">د یادو سیالیو په (الف) ګروپ کې پاکستان، هند، بنګلهدېش، نیوزلېنډ او په (ب) ګروپ کې افغانستان، انګلستان، اسټرالیا او سوېلي افریقا لوبډلې شاملې دي.</p>
<p style="text-align: justify;">ټاکل شوې چې د افغانستان د کرکټ ملي لوبډله به په دغو سیالیو کې خپله لومړۍ لوبه له سوېلي افریقا سره د فبروري په ۲۱مه د پاکستان په کراچۍ ښار کې ترسره کړي.</p>
<p style="text-align: justify;">د یادونې ده، د اتلانو جام سیالیو پایلوبه به د راتلونکې مارچ میاشتې په نهمه نېټه ترسره شي.</p>
