کابل (پژواک، ۲۹ کب ۱۴۰۳): د افغانستان د والیبال فدراسیون وایي چې په راتلونکې غویي میاشت کې په کابل کې د والیبال غوره لیګ څلورم پړاو سیالۍ پیلوي.
د افغانستان د والیبال فدراسیون نن په یوه خبرپاڼه کې لیکلي، د والیبال غوره لیګ څلورم پړاو سیالۍ د ۱۴۰۴ کال په غويي میاشت کې په کابل کې پیلېږي.
ورته مهال، د افغانستان د والیبال فدراسیون اداري مرستیال محمدعارف پیمان نن پژواک خبري اژانس ته وویل، د والیبال غوره لیګ څلورم پړاو سیالیو د پیل دقیقه نېټه تر اوسه معلومه نه ده خو زیاته یې کړه چې د راتلونکې غويي میاشتې په نیمایې کې به ترسره شي.
هغه زیاته کړه، په دغو سیالیو کې د ګډونکوونکو لوبډلو شمېر لا وروستی شوی نه دی خو تېر کال په دغو سیالیو کې د کابل په ګډون د هېواد له بېلابېلو ولایتونو اتو لوبډلو ګډون کړی و.
د یادونې ده، د والیبال غوره لیګ سیالیو درېیم پړاو د تېر ۲۰۲۴ کال په فبرورۍ میاشت کې د اتو لوبډلو ترمنځ ترسره شو چې اتلولي یې د امالبلاد لوبډلې وګټله.
GET IN TOUCH
NEWSLETTER
SUGGEST A STORY
PAJHWOK MOBILE APP