ننګرهار

د ننګرهار د عدليې رياست له لوري د دغه ولایت د غني‌خېلو ولسوالۍ په مارکو بازار کې ۱۵ موټرپلورنځي د غيرقانوني فعاليت له امله تړل شوي دي.

د ننګرهار ولایت په بهسودو ولسوالۍ کې د دوو کورنيو ترمنځ د ځمکې پر سر رامنځته شوې لس کلنه دښمني د قومي مشرانو په منځګړتوب په دوستۍ بدله شوه.

د ننګرهار په کوز کونړ ولسوالۍ کې یوه کښتۍ د کونړ سیند اوبو کې چپه شوې چې له امله یې اته کسان مړه او څلور نور ټپیان شوي دي.

د ننګرهار کانال شرکت وایي، سږ کال د دې ادارې اړوند د زيتونو په حاصلاتو کې درې چنده زياتوالی راغلی او ټاکل شوې چې تر ۱۳۰۰ ټنه د زيتونو دانې راټولې شي.

د ننګرهار امنیتي ځواکونو تېره یوه اونۍ کې د دغه ولایت په خوږياڼو ولسوالۍ کې پر ۲۱۰ جریب ځمکه کرل شوي د بنګو بوټي له منځه وړي دي.

د ننګرهار ولایت په کوز کونړ ولسوالۍ کې د ورښتونو او سېلابونو له امله درې کسان مړه شوي او ۲۰ نور ټپيان دي او لږ تر لږه ۱۵۰ کورونه زیانمن او یا هم وېجاړ شوي دي.

د ننګرهار امنیه قوماندانۍ په دغه ولایت کې د امنيت د ټینګښت په موخه د موټرسایکل‌سپرو پولیسو سل‌ کسیزه قطعه جوړه کړې ده.

ننګرهار کې د ملګرو ملتونو پرمختیايي ادارې د ۱،۲ میلیون امریکايي ډالرو په لګښت د یوه پرمختللي لابراتوار جوړولو چارې پيل شوې.

د ننګرهار امنيه قومانداني وايي چې د دغه ولایت په شېرزادو ولسوالۍ کې يې پاکستان ته د ۲۱۴ پسونو د قاچاق مخه نيولې او په تړاو یې دوه کسان هم نيول شوي دي.

د ننګرهار کډوالو چارو رياست وايي، که څه هم اوس‌مهال له پاکستانه د کډوالو راتګ کم شوی خو په عمري لنډمهالي پنډغالي کې د راستنېدونکو کډوالو لپاره ټول امکانات برابر شوي دي.

د ننګرهار د کرنې رياست مسوولين وايي، د ملګرو ملتونو د خوړو او کرنې ادارې په مالي لګښت له ۵۴۰۰ کروندګرو سره د سرې مرسته وشوه.

د ننګرهار کرنې او مالدارۍ رياست وایي، د دغه ولایت په کوز کونړ ولسوالۍ کې يې پر ۶۰ هکټاره ځمکه د بېرو مصنوعي ځنګل جوړ کړی چې حاصل ته نږدې شوی دی.