د کونړ یو شمېر لیکوالان او شاعران وایي، د اقتصادي ستونزو له امله نه شي کولای خپل لیکل شوي اثار چاپ کړي او غوښتنه کوي چې حکومت او ملي سوداګر دې ورسره په دې برخه کې مرسته وکړي.
د کونړ یو شمېر اوسېدونکي وايي، له تېرو درېیو کلونو راهیسې د ځینو ستونزو له امله د مناګي برېښنا بند له فعالیته لوېدلی او غوښتنه کوي چې حکومت دې هر څه ژر د دغه بند د بیا فعالولو چارې پيل کړي.
د کونړ یو شمېر اوسېدونکي د دغه ولایت په شلتن، سرکاڼو او نورګل ولسوالیو کې پر کونړ سیند د پلونو له ویجاړۍ شکایت کوي او غوښتنه لري چې بېرته دې ورغول شي.
د کونړ په څوکۍ ولسوالۍ کې د ملګرو ملتونو د کډوالو عالۍ کمېشنرۍ په مالي مرسته یوه ۳۰ بستریز روغتون لپاره د ودانۍ جوړولو چارې پیل شوې.
د کونړ په ماڼوګي ولسوالۍ کې د دوو کورنیو ترمنځ پنځه کلنه دښمني چې درې کسان پهکې وژل شوي وو، پرون د یوې قومي جرګې له لارې پای ته ورسېده.
د کونړ د کرنې او مالداري ریاست مسوولین وایي، په دغه ولایت کې سږ کال د چهارمغزو په حاصلاتو کې ډېروالی راغلی او په ټولیز ډول ۱۸۰۰ ټنه چهارمغز ترلاسه شوي دي.
د کونړ ځايي مسوولین وايي، د دغه ولایت د نرنګ ولسوالۍ په قلاونو سیمه کې د یوه کور د خونې چت لوېدو پېښه کې دوه ماشومان مړه او دوه نور ټپیان شوي دي.
ستره محکمه وایي، په کونړ ولایت کې دوو مجرمینو او شپږو تورنو کسانو ته په عام محضر کې تعزیري سزا ورکړل شوه.
د کونړ سیمهییز مسوولین وایي، د دغه ولایت په نرنګ ولسوالۍ کې د تېرې شپې ورښتونو او سېلابونو له امله یو کس مړ شوی او د یوې ښځې او دوو ماشومانو په ګډون شپږ تنه نور ټپيان دي.
د مخابراتو او معلوماتي ټکنالوجۍ وازرت سرپرست کونړ ته د خپل سفر په ترڅ کې ویلي، تېرو درېیو کلونو کې د دغه ولایت په بېلابېلو سیمو کې د ۲۰ نويو مخابراتي سایټونه په جوړېدو سره لسګونه زره کسان له مخابراتي خدمتونو برخمن شوي دي.
د عامې روغتیا وزارت وایي، د کونړ ولایت په ماڼوګي ولسوالۍ کې د څه باندې ۲۳ میلیونه افغانیو په لګښت یو روغتیایي مرکز جوړ او ګټې اخیستنې ته وسپارل شو.
په کونړ او هلمند ولایتونو کې د شاوخوا ۲۷ میلیون افغانیو په لګښت دوو ښوونځیو ته د ودانیو جوړولو چارې پيل شوې.
د کونړ ولایت مرورې ولسوالۍ کې د ۸.۵ میلیون افغانیو په لګښت د پاکو اوبو رسولو د دوو شبکو جوړېدو چارې پیل شوې.
د کونړ چاپېریالساتنې ریاست په دغه ولایت کې د ښوونځیو او دیني مدرسو زدهکوونکو ته د اقلیمي بدلونونو او چاپېریالساتنې ارزښت په تړاو د عامه پوهاوي کمپاین پيل کړی دی.
د کونړ په څوکۍ ولسوالۍ کې د چاپان د حکومت او خلکو د ۱۱ میلیون افغانیو په مالي لګښت د یوه لومړني ښوونځي ودانۍ جوړولو چارې پيل شوې.
د کونړ د کرنې ریاست مسوولین وایي، تېرو شاوخوا درېیو کلونو کې د ځينو موسسو په مرسته د دغه ولایت په یو شمېر ولسوالیو کې نږدې ۳۰۰۰ هکټاره ځنګلونه بیا احیا شوي دي.
د کونړ اوسېدونکي له حکومت او مرستندویه ادارو غواړي چې په دغه ولایت کې د ورستیو سېلابونو له امله زیانمې شوې لویې لارې بېرته ورغوي او مسوولین وايي، د یادو لارو د جوړېدو هڅې یې پیل کړې دي.
د کونړ د کرنې ریاست مسوولین وایي، په دغه ولایت کې یې د ډنمارک د کډوالو شورا په مالي مرسته نږدې ۵۰۰ کورنیو ته د خوړو خوندیتوب او معافیت ښهوالي په موخه د کوچنیو کاروبارونو زمینه برابره کړې ده.
د کونړ سیمهییز مسوولین وایي، نن سهار د دغه ولایت په وټهپور ولسوالي کې د سختو ورښتونو له امله سېلابونه راوتلي چې له امله یې یوه مېرمن مړه شوې او د دوو ماشومانو په ګډون درې نور کسان ټپیان شوي دي.
د کونړ ځایي مسوولین وایي، د دغه ولایت په ناړۍ ولسوالي کې د موټر چپه کېدو پېښه کې ۱۰ کسان او د څوکۍ ولسوالۍ په چنارو سیمه کې د یوه کور د خونې چت پرېوتو له امله شپږ کسان ټپيان شوي دي.
د عامې روغتیا وزارت له لوري د کونړ د مرکز او دوو ولسوالیو په روغتیایي مرکزونو کې د څه باندې دوه میلیون افغانیو په لګښت د نريرنځ ناروغۍ د تشخیص څانګې فعالې شوې دي.
د کونړ په شیګل ولسوالۍ کې د دوو کورنیو ترمنځ ۲۷ کلنه دښمني چې دوه کسان پهکې وژل شوي وو، د یوې قومي جرګې له لارې حل او فصل شوه.
د اوبو او برېښنا وزارت وایي، یوه چیني شرکت په کونړ کې د برېښنا د تولید درېیو سترو بندونو جوړولو ته لېوالتیا ښودلې او زیاتوي که دغه بندونه جوړ شي، افغانستان به د برېښنا صادروونکی…
د کونړ د کرنې ریاست مسوولین وايي، تېره شپه د دغه ولایت د څوکۍ ولسوالۍ په دیوهګل دره کې د نږدې ۵۰۰ چهارتراش لرګیو د قاچاق مخه نیول شوې ده.
