یونیفورم

د هرات یو شمېر اوسېدونکي وایي، که څه هم امنیتي ځواکونو ته د یونیفورم وېشلو پروسه پیل شوې خو لا هم امنیتي ځواکونه په ښار کې په شخصي جامو کې ګرځي.

د پکتیا یو شمېر اوسېدونکي له حکومته غوښتنه کوي چې په دغه لایت کې پر امنیتي ځواکونو د یونیفورم اغوستل جبري کړي، څو عام خلک يې په اسانۍ وپېژني او له نورو خلکو یې  توپیر وشي.

د بلخ په مرکز او یو شمېر ولسوالیو کې څه باندې درې ‌زره پولیسو ته د یونیفورم وېش لړۍ پیل شوه.

یو شمېر کابل ښاریان وایي، اوس هم ځیني امنیتي کسان له یونیفورم پرته له وسلو سره په ښار کې ګرځي چې باید مخه یې ونیول شي، خو امنیه قومانداني وایي، دا هغه «مجاهدین» دي چې په نظام کې د ثبت او نوم‌لیکنې لپاره له ولایتونو کابل ته راځي او د دې پروسې په بشپړېدو به دا ستونزه حل شي.

د فراه یو شمېر اوسېدونکي له حکومته غواړي چې امنیتي ځواکونو ته دې ځانګړی یونیفورم ووېشي څو خلک يې په اسانۍ سره وپېژني.

د زابل مرکز کلات او ولسوالیو پر امنیتي کسانو د یونیفورم وېش پيل شو.

د اروزګان امنیه قوماندان وايي، د کورنیو چارو وزارت په لارښوونه یې په دغه ولایت کې امنیتي کسانو ته د یونیفورم د وېش لړۍ پيل کړې ده.

د بغلان امنیتي مسوولین وایي چې د دغه ولایت پر ټولو پولیسو  يې د نوي یونیفورم وېشلو لړۍ پيل کړې ده.

د فاریاب امنیتي مسوولین د دغه ولایت د ۱۷ ولسوالیو پولیسو ته د یونیفورم د وېش خبر ورکوي؛ د فاریاب يو شمېر اوسېدونکي دغه اقدام ستايي.

د کندوز چارواکي په دغه ولایت کې پولیسو ته د یونیفورم د وېش لړۍ له پیلېدو خبر ورکوي.

چارواکي وايي، له کابل او یو شمېر ولایتونو وروسته په غزني کې هم پر پولیسو د یونیفورم د وېش لړۍ پيل شوې چې په لومړي ګام کې به دوه زره پولیس پر یونیفورم سمبال شي.

د بلخ اوسېدونکي له حکومته غواړي چې د بېلابېلو جرمونو د کنټرول او مخنيوي په موخه دې امنيتي ځواکونه پر يونيفورم سمبال کړي.