د ا.ا مشرتابه په اختریز پیغام کې د افغانانو پر یووالي ټینګار کړی او ویلي یې دي چې دوی له نړۍ سره پر اسلامي اصولو ولاړې اړیکې غواړي خو نړۍ دې هم د افغانستان معتقداتو او ارزښتونو ته درناوی ولري.
د اسلامي امارت مشر په اختريز پيغام کې د ټولو حقونو ته پر ژمنیا او د پرمختګونو لپاره پر یوالي ټینګار کړی، له پانګوالو يې هېواد کې د پانګونې غوښتنه کړې، وايي ا.ا له نړۍ سره د شریعت په چوکاټ کې اړيکې غواړي.
د ا.ا مشر وايي، د خپلې اسلامي او شرعي تګلارې له مخې له هر چا سره په متقابل درناوي ولاړې ښې اړیکې غواړي او غوښتنه کوي چې د اسلامي امارت ارادې ته دې د شک په سترګه نه کتل کېږي.
د اسلامي امارت مشر، په اختریز پیغام کې هېواد ته له راګرځېدونکو افغانانو سره د کړو ژمنو پر عملي کېدو ټینګار کړی، وایي، اسلامي امارت د شریعت په چوکاټ کې د ټولو هېوادوالو حقونو ورکولو او د بیان ازادۍ ته ژمن دی او د ښځو د حقوقو په تامین کې کوښښ کېږي.
