استخراج

د کانونو او پټرولیم وزارت له یوه ازبکستاني شرکت سره د جوزجان ولایت د طوطي میدان ګازو د اکتشاف او استخراج تړون لاسلیک کړ او یاد شرکت به په لومړي کال کې ۱۰۰ میلیونه او په لسو کلونو کې یو میلیارد امریکایي ډالر پانګونه وکړي.

د کانونو او پټرولیم وزارت وایي، د روانې اونۍ په پای کې به په لوګر ولایت کې د عینک مسو کان د استخراج عملي چارې پیل شي.

د اطلاعاتو او فرهنګ وزارت وایي چې د عینک مسو کان د قراردادی شرکت نوي مشر د دغه وزارت د فرهنګ او هنر له معین سره په لیدنه کې ویلي چې د عینک مسو کان د کیندنې پروژه د تاریخي اثارو د خوندیتوب په پام کې نیولو سره پیلېږي.

د افغانستان د کانونو او پټرولیم وزارت وايي چې د امو سیند حوزه کې د شپږو نوو څا‌ګانو په فعالېدو سره د نفتو ورځني استخراج کچه یو زر او ۳۵۰  ټنو ته لوړه شوې ده.

ننګرهار کې د شوکاڼي د استخراج او پروسس کاروباريان وايي، د شوکاڼي پر استخراج بنديز او د قراردادونو نه تمديد له امله یې فابریکې د تړل کېدو له ګواښ سره مخ دي.

د کانونو او پټرولیم وزارت وایي، یوه روسي پانګوال د افغانستان د نفرایټ، لاجورد او مرمر کانونو برخه کې د پانګونې او ګډو استخراجي شرکتونو جوړولو لپاره لېوالتیا ښودلې ده.

د افغانستان کانونو او پټرولیم وزارت، له څلورو کورنیو شرکتونو سره د څه باندې ۱۰.۱۵ میلیارد افغانیو په ارزښت درېیو ولایتونو کې د څلورو لویو کانونو د استخراج او پروسس تړونونه لاسليک کړل.

د اقتصادي کمیسیون له خوا موظفې کمېټې د مس عینک پروژې د ژر پیل د نوې طرحې په اړه له قراردادي شرکت سره خبره کوي او په هېواد کې د مازون نفتو تصفیه‌خونې جوړولو ته پانګوال جذبوي.

د سرپل والي محمدیعقوب عبدالرحمن اکه د دغه ولایت د قشقري له نفتي څاګانو د لیدنې پر مهال ویلي چې د دغو څاګانو استخراج په ورځ کې له ۶۵۰ څخه ۹۰۰ ټنو ته لوړ شوی دی.

د کاپیسا ځایي مسوولین د دغه ولایت د تګاب ولسوالۍ د تورغونډۍ سیمې نفرایت ډبرو کان د لومړي او دویم بلاک د استخراج بهیر له پیلېدو چې قرارداد یې د پنځو کلونو لپاره له یوه خصوصي شرکت سره شوی، خبر ورکوي.

. . .

. . .