Language

Don't you have an account with Pajhwok Afghan News?

Click here to subscribe.

ګوټریش: له فلسطینانو سره بشري مرستې ډېروو

کابل (پژواک، د سلواغې لومړۍ نېټه ۱۴۰۳): د اسرائیل او حماس ترمنځ د اوربند له پیل سره سم د ملګرو ملتونو سازمان وايي چې له فلسطینانو سره بشري مرستې ډېروي.

د ملګرو ملتونو سرمنشي انټونیو ګوټریش پر خپله اېکس‌پاڼه د یوه پیغام په خپرولو د اوربند هرکلی کړی دی.

نوموړي لیکلي: «موږ د دغه کار ملاتړ ته چمتو یو او له هغو بې‌شمېره فلسطینیانو سره چې اوس هم ځورېږي، بشري مرستې ډېروو.»

د هغه په خبره، اړینه ده چې یاد اوربند د مرستې رسولو برخه کې شته امنیتي او سیاسي خنډونه له‌ منځه یوسي.

د یادونې ده، یاده هوکړه د اسرائیل او حماس ترمنځ د امریکا، مصر او قطر په منځګړیتوب لاسلیک شوې او له تېرې ورځې راهیسې پلې شوې ده.

د یادې هوکړې له مخې، فلسطیني بندیان به له یرغمل شوو اسرائیلیانو سره تبادله او د جګړې د دایمي بندیز شرایط به نهایي کېږي.

GET IN TOUCH

SUGGEST A STORY

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

PAJHWOK MOBILE APP

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.