بازار

غزني کې د زینتي مرغانو کاروباریان وايي، د خلکو د خراب اقتصادي وضعیت، پر ښکار او د مرغانو پر صادراتو او وارداتو بندیز هغه لاملونه دي چې د دوی پر کاروبار یې منفي اغېز کړی او پېر او پلور یې کم شوی دی.

بامیان کې ځايي تولیداتو ته د ښځو د لېوالتیا په ډېرېدو سره دې برخه کې فعالیتونه ډېر شوي خو صنعت‌ګرې ښځې د محصولاتو لپاره د مناسب بازار له نشتوالي اندېښنه څرګندوي.

د دایکنډي په مرکز نیلي ښار کې یو شمېر هغه مېرمنې چې ټولې هیلې یې په لاسي صنایعو پورې تړلې وايي، نورو برخو کې د کار نشتوالي له امله یې خیاطي او ګلدوزي ته مخه کړې او له حکومته غواړي چې ملاتړ یې وکړي.

بامیان کې یو شمېر سوداګرې ښځې سیمه‌ییزو تولیداتو ته د پلور ‎بازار له نشتوالي او د اړوندو بنسټونو له نه ملاتړه شکایت کوي او په دې برخه کې د حکومته پاملرنه غواړي.‎

بلخ ته د بهرنیو سیلانیانو د ورتګ له ډېرېدو سره د قیمتي ډبرو او له ډبرو د جوړ شوو قیمتي توکو بازار ښه شوی دی.

بلخ کې د شیرین‌بویې سوداګر او پروسس کوونکي له حکومتي مسوولینو غوښتنه کوي چې دغه بوټي ته دې له هېواده بهر بازار پیدا کړي.

کندهار کې یو شمېر کروندګر وايي، د پخوا په نسبت دغه ولایت کې د زعفرانو کښت او حاصلات ډېر شوي او له حکومته غوښتنه کوي چې په کور دننه او بهر بازار ورته پیدا کړي.

د ښځو په چارو کې د ملګرو ملتونو استازې د بامیان له والي سره په لیدنه کې د سوداګرو ښځو پر ملاتړ ټينګار کړی او ویلي یې دي چې د بامیاني ښځو د تولیداتو لپاره له افغانستانه بهر د بازار موندنې هڅه کوو.

د ننګرهار د کرنې او مالدارۍ رياست مسوولين وايي، سږ کال په دغه ولايت کې د پنبې حاصلات ډېر شوي، خو کروندګر غوښتنه کوي چې د پنبې حاصلاتو ته بايد مناسب بازار پيدا شي.

د بدخشان په اشکاشم ولسوالۍ کې یو شمېر سوداګرې وايي، که څه ‌هم چې د ملي او نړۍوالو موسسو له لوري هیڅ ډول مرسته نه ده ورسره شوې، خو له تاجکستان سره پر پوله د دې ولسوالۍ د ګډ بازارګي پرانیستو یې د لاسي صنایعو بازار غوړولی دی.

په خوست کې د لاسي صنايعو جوړوونکي او کاروباريان وايي چې د تولید کچه يې لوړ ده خو د خرڅلاو لپاره يې بازار نشته دی.

میدان‌وردګو کې یو شمېر کروندګر وايي، رومیان یې حاصل ته رسېدلي خو د تورخم لارې له بندېدو سره یې بیه دومره ټيټه شوې چې ان خپل لګښت هم نه شي پوره کولای.