تورخم

د تورخم ښارګوټي اړوند د راستنېدونکو کډوالو عمري کمپ کې د برېښنا شرکت له خوا د څه باندې اووه ميليون افغانيو په لګښت د ۱،۵ ميګاواټه په ظرفيت د برېښنا شبکه فعاله شوه.

ننګرهار کې سیمه‌ییز مسوولین وايي چې په تېره شاوخوا یوه اونۍ کې د تورخم له لارې له پاکستان څخه ۴۰۰۰ کورنۍ راستنې شوې دي.

له پاکستانه د افغان کډوالو د نوې لړۍ پیل ته د چمتووالي ناسته کې پرېکړه شوې چې د اړتیا پر مهال دې د کډوالو د ښه مدیریت لپاره مسلکي کسان وګومارل شي او یو پلاوی دې د کډوالو اړتیاوو د ارزونې لپاره تورخم ته واستول شي.

ننګرهار کې سیمه‌ییز مسوولین وایي، له پاکستانه د افغان کډوالو د جبري ایستلو دویمې لړۍ له پیل سره سم په تېرو درېیو ورځو کې د تورخم له لارې شاوخوا زر کورنۍ راستنې شوې دي.

د تورخم دروازه نن سهار د تګ راتګ په موخه پرانیستل شوه خو مسوولین وايي چې د ګڼې ګوڼې له امله به یوازې بېړنیو ناروغانو ته د تګ راتګ اجازه ورکړل شي.

د ننګرهار د اطلاعاتو او فرهنګ ریاست مسوولین وايي، ټاکل شوې چې تورخم دروازه نن ماذیګر څلور بجې د ترانزیټي موټرو او د راتلونکې جمعې په ورځ د عامو خلکو د تګ راتګ پر مخ پرانیستل شي.

د ننګرهار ولایت مقام د رسنیو دفتر وايي چې د تورخم پرونۍ جګړه کې د پاکستاني ځواکونو ډزو کې اته کسان ټپيان شوي دي.

ننګرهار کې سیمه‌ييزې سرچینې وايي چې په تورخم کې نن غرمه شاوخوا ۱۲ بجې يو ځل بیا د پاکستاني ځواکونو له برید وروسته جګړه شوې او اوس هم د درنو وسلو خال خال ډزې اورېدل کېږي.

د کډوالو او راستنېدونکو چارو وزارت وايي چې د ننګرهار ولايت د مومندرې ولسوالۍ اړوند تورخم ښارګوټي کې د جګړې له امله شاوخوا ۸۰۰ کورنۍ بې‌ځایه شوې دي.

د ننګرهار ولايت د تورخم ښارګوټي کميسار د تورخم لارې د خلاصون اوازې رد کړې او وايي، د لارې د خلاصون په تړاو دوه اړخيزې خبرې شوې دي خو لار تر اوسه نه ده خلاصه شوې.

د ننګرهار سیمه‌ییز چارواکي وايي، نن اتمه ورځ هم پاکستان د تورخم دروازه د هر ډول تګ راتګ پر مخ تړلې ده او دواړو خواوو ته یې ناروغانو، مسافرو او سوداګرو ته ستونزې جوړې کړې دي.

په داسې حال کې چې د تورخم لار له تېرو څلورو ورځو راهیسې د هر ډول تګ راتګ پر وړاندې تړل شوې، له کابله یو لوړپوړی پلاوی د دې لارې د خلاصون په موخه تورخم ته سفر کوي.