پېښو ته د چمتووالي او رسېدنې ملي اداره وايي چې په تېرو لسو ورځو کې د افغانستان په اتو ولایتونو کې د بارانونو، سېلابونو، تالندې او اورلګېدنې له امله ۱۳ کسان مړه او ۱۶ نور ژوبل شوي دي.
د ننګرهار ولایت په کوز کونړ ولسوالۍ کې د ورښتونو او سېلابونو له امله درې کسان مړه شوي او ۲۰ نور ټپيان دي او لږ تر لږه ۱۵۰ کورونه زیانمن او یا هم وېجاړ شوي دي.
د میانمار حکومت اعلان کړی چې دغه هېواد کې د یاګي نومي توپان په پایله کې د سېلابونو او ځمکې ښویېدنې پېښو کې ۲۲۰ تنه مړه شوي او له ۷۰ ډېر کسان نادرکه دي.
پروان کې د طبیعي پېښو پر وړاندې د مبارزې او چمتووالي ریاست وايي، په دغه ولایت کې د وروستیو سېلابونو له امله ۴۰ استوګنیز کورونه، ۶۵۶ جریب کرنیزه ځمکه، یو کیلومتر سړک او پنځه سربندونه او کانالونه ویجاړ شوي دي.
ننګرهار کې مسوولین وايي چې د دغه ولایت په حصارک ولسوالۍ کې د تېرې ورځې باران او سېلابونو ۴۰۰ جريب فصلونه، استنادي دېوالونه، ویالې او سربندونه زیانمن کړي دي.
پاکستاني رسنیو راپور ورکړی چې د خیبر پشتونخوا ایالت کې د سېلابونو راتلو له امله ۶۸ کسان مړه شوي دي.
د کونړ اوسېدونکي له حکومت او مرستندویه ادارو غواړي چې په دغه ولایت کې د ورستیو سېلابونو له امله زیانمې شوې لویې لارې بېرته ورغوي او مسوولین وايي، د یادو لارو د جوړېدو هڅې یې پیل کړې دي.
بنګلهدېش کې د سختو موسمي بارانونو او سېلابونو له امله ۲۰ کسان مړه او څه باندې پنځه میلیون نور کسان اغېزمن شوي دي.
د کونړ سیمهییز مسوولین وایي، نن سهار د دغه ولایت په وټهپور ولسوالي کې د سختو ورښتونو له امله سېلابونه راوتلي چې له امله یې یوه مېرمن مړه شوې او د دوو ماشومانو په ګډون درې نور کسان ټپیان شوي دي.
ځایي سرچینې وايي، پرون مازدیګر د پنجشېر په رخه ولسوالي کې سېلابونو زرګونه جریب کرنیزه ځمکه، د اوبو ډېری کانالونه، د برېښنا واړه بندونه، پلونه او پلچکونه ویجاړ کړي دي.
د غزني په دهیک ولسوالۍ کې د شدید باران او سېلابونو له امله د استوګنې کورونه، کارېزونه، لویې لارې، کرنیز فصلونه، پلګوټي او بڼونه له منځه تللي دي.
د غزني په دهیک ولسوالۍ کې د سېلابونو راوتو له امله درې کسان مړه شوي او درې نور ټپیان دي.
اړوندو ادارو د هېواد سیندیزو حوزو په ځینو ساحو کې د راتلونکو درېیو ورځو لپاره د سخت ورښت، برېښنا او تالندې، سېلابونو راتلو او د سیندونو اوبو کچې له لوړېدو خبر ورکړی دی.
د پکتيا کرنې رياست وايي چې وروستیو سېلابونو د دغه ولایت په دوو ولسوالیو کې څه باندې ۱۵۰۰ جریب بېلابېل فصلونه له منځه وړي دي.
د لوګر د کرنې، اوبولګولو او مالدارۍ ریاست وایي چې د وروستیو ورښتونو او سېلابونو له امله په دغه ولایت کې شاوخوا ۳۵۰ جریب فصلونه ویجاړ شوي دي.
د پنجشېر عمومي سړک تېره شپه د دغه ولایت په شتل ولسوالي کې د سېلابونو راتلو له امله د ترافیکو پر مخ تړل شوی دی.
میدانوردګو کې د پېښو پر وړاندې د چمتووالي ریاست وايي، سېلابونو تېره شپه د دغه ولایت په دایمیرداد ولسوالۍ کې د سلګونه جریب ځمکو کرنیز محصولات له منځه وړي دي.
بدخشان کې ځايي مسوولین وایي، د دغه ولایت په جرم ولسوالۍ کې د سېلابونو راوتلو له امله لسګونه څاروي تلف شوي، کرنیزې ځمکې، یو کوچنی د برېښنا بند او د اوبو کانالونه ویجاړ شوي دي.
د برازیل دولت اعلان کړی چې د دغه هېواد په سوېل کې د بېمخنیې سېلابونو له امله ۱۸۰ کسان مړه شوي دي.
د اوبو او برېښنا وزارت د هېواد سیندیزو حوزو په ځینو سیمو کې د سېلابونو راوتلو او په سیندونو کې د اوبو ډېرېدو خبر ورکړی دی.
پېښو ته د رسېدو په چارو کې د دولت وزارت وايي چې تېرو دوو ورځو کې د افغانستان په اوو ولایتونو کې د سېلابونو له امله ۲۱ کسان مړه او ۱۹ نور ټپیان شوي او نږدې ۸۴۰ کورونه په نیمه او بشيړ ډول ویجاړ شوي دي.
سیمهییز چارواکي وایي، د پروان ولایت غوربند دره کې د سېلابونو راوتلو له امله د پروان - بامیان لویه لار د ترافیکو پر مخ وتړل شوه.
ځایي مسوولین وایي چې فاریاب، سرپل او بغلان ولایتونو کې د سېلابونو راتلو له امله ۱۵ کسان مړه شوي او درانه مالي زیانونه اوښتي دي.
د غور د اطلاعاتو او فرهنګ ریاست وایي چې وروستیو سېلابونو د ډېرو مالي او ځاني زیانونو اړولو ترڅنګ، جام تاریخي منار ته هم ډېر زیان اړولی او له مرکزي حکومت او نړۍوالو بنسټونو یې غوښتي چې د هغه ساتنې لپاره اقدام وکړي.
