د پاکستان پوځي رژیم برید؛ د پکتیا په څمکنیو کې ټپي شوي یو شمېر کسان کابل ته رالېږدول شوي

د پکتیا څمکنیو ولسوالۍ کې د پاکستان د تېرې شپې برید له امله ټپي شوي یو شمېر کسان د درملنې لپاره د کابل د سردار محمدداوود خان ۴۰۰ بستریز روغتون ته رالېږدول شوي دي. د اسلامي امارت مرستیال ویاند ملا حمدالله فطرت ویلي چې د پاکستان پوځي رژیم تېره شپه د پکتیا پر څمکنیو، د پکتیکا پر ګیان او د کونړ په مروره ولسوالیو کې هوایي بریدونه کړي چې له امله یې د ښځو او ماشومانو په ګډون ۳۶ کسان شهیدان او ۱۶۳ نور ټپیان شوي دي. #پکتیا #پاکستاني_بریدونه #هوايي_بریدونه #Paktia #PakistanAirstrikes #Afghanistan